Саулыгың бит үз кулыңда,

Чыгарма тик исеңнән.

Һәрчак хәрәкәттә булып

Яшә, эшлә бүгеннән.

Шул максатны алга куеп

Без үсәбез гөр килеп,

Һәр нәрсәдән ямь табабыз,

Яшибез җаен белеп.

Гәүдәгә дә, кулбашка да

Гимнастика – ул теннис.

Чиратлашып шар сугабыз

Бик теләп һәм бик җитез.

Бу атнада без төрле профессия кешеләренең хезмәтләре белән таныштык.Мәкальләр,шигырьләр, җырлар өйрәндек.

Төрле һөнәр ияләре белән очрашуга бардык.

Иртән торгач, гөлләремә,

Сулар сибәм Һәр көнне

Аның матур чәчәкләре

Сокландыра һәркемне.

                                  Оста кулларга һәрвакыт,

                                    Теләсәң, эш табыла

                                    Эш эшләгәч, тәмле була

                                    Аш та, чәйдә табында.

“Доктор” (Р. Миңнуллин)

Малайлар, юкка сез

Доктордан куркасыз.

Бик әйбәт ул, димен:

Әни бит ул минем.

1 нче команда кызлар — күбәләкләр.

Әй без шат күбәләкләр,

Матурлар, чибәрләр,

Килдек чебиләр белән,

КВН уйнарга

                                                    2 нче команда малалайлар — чебиләр.

Без сары чебиләр,

Йомшаклар түгәрәкләр,

Килдек бүген сезнең белән,

Көч сынашырга.

Бу атна юл йөрү кагыйдәләрен өйрәнү атналыгы булды.Атна дәвамында балалар белән юл йөрү кагыйдәләре өйрәнелде.Мәкальләр,шигырьләр, җырлар, биюләр өйрәндек.

Урамны күзәтеп,

Ваемсызны кисәтеп

Чатта тора светофор

Сакта тора светофор.

Янып тора өч күзе

Күреп тора ич безне

Әйтеп тора өч сүзне.

– Кузгалма ! – ди, – кызыл күз.

– Сабыр! – ди, – сары күз.

– Ярый, – ди – яшел күз.

Исәнмесез, кадерле балалар һәм кунаклар!

           Сагынып килдек без сезне,

           Үтеп океан, диңгезне.

           Нинди матур үскәнсез,

           Алма кебек пешкәнсез.

           Әйдә, килегез тизрәк,

           Ясыйк матур түгәрәк.

           Сезгә кунаклар килгән бит,

           Уйныйк, җырлыйк бергәләп.

Үтте безнең елыбыз,

Түрдә иде урыныбыз,

Яшәдек сый- хөрмәттә

Китәсе килми әлбәттә.

Ерактан суык яклардан
Боз чанага утырып
Бәйрәмгә килде кыш бабай.
Күчтәнәчләр тутырып.

Кулларында боз таягы
Сакалы җиргә тигән.
Ә янында сылу бер кыз,
Энҗе кардан киенгән.

Сылу кызын, энҗе кызын,
Ул синең куанычың.
Бергә йөри, синнән калмый
Бәләкәй юанычың.

Балаларга, Яңа елда
Күчтәнәчләр тарата.
Биеп, жырлап. көлдерә дә.
Куандырып калдыра.

Бездә бүген Яңа Ел

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.

Яшел ылыслар артында
Әкият качып тора,
Эчендәге бар серләрне
Ачарга кызыктыра.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!