Муниципальное бюджетное общеобразовательное учреждение "Тимершикская средняя общеобразовательная школа Сабинского муниципального района Республики Татарстан"
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422057, Республика Татарстан, Сабинский район, с. Тимершик, ул. Пионерская, д. 13 |
| Телефон: | +7(843)-622-28-02 |
| E-Mail: | Timershik.Saba@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Тимершикская СОШ" |
| Руководитель: | Карамов Айдар Рафаилович |
| Год основания учреждения: | 1982 |
| У нас учатся: | 172 в филиале: 9 |
| У нас учат: | 26 в филиале: 2 |
Новости
Укыту эшләре буенча директор урынбасарлары семинары
Опубликовано: 18.11.2010
18 нче ноябрь көнне "Профиль алды әзерлегенең норматив - хокукый базасы һәм оештыру эчтәлеге” дигән тема астында укыту эшләре буенча директор урынбасарлары семинары булып үтте. Семинар темасы профиль алды әзерлеген үтүче 9 нчы сыйныфта рус теле һәм математика фәннәреннән электив курс шөгыльләре һәм 11 нче сыйныфта үткәрелгән тәрбия сәгате аша ачылды.
Рус теленнән Хаҗиева Әлфия Галинуровна "В мире русского языка” дигән темага ачык шөгыль үткәрде. Шөгыль рус лингвистлары исемнәре белән аталган фәнни тикшеренү институтлары эшчәнлеге рәвешендә оештырылды, тел белеменең һәр бүлеге буенча укучыларның белемнәре системалаштырылды. Математика буенча шөгыль "Квадрат тигезләмәләр сере” дип аталган дәрес-марафон формасында оештырылды, аны Валиева Ландыш Әгъләмҗановна алып барды. Ярыш атмосферасы укучыларның актив эшчәнлеге өчен стимул булдырды, квадрат тигезләмәләр чишүнең төрле алымнары, юллары өйрәтелде. 11 нче сыйныфта профориентация темасына үткәрелгән тәрбия сәгате "XXI нче гасыр профессионалы нинди булырга тиеш?” дип исемләнгән әңгәмә һәм "Минем резюме” дип аталган практикум өлешеннән торды. Әңгәмә өлешен тәрбия эшләре буенча директор урынбасары Фазылова Гөлнара Җәүдәтовна алып барды. Ул укучыларда һөнәр сайлауга, һөнәри үзбилгеләнүгә кызыксыну тәрбияләү, сәләтләрен исәпкә алып укучыларга тиешле һөнәр сайларга ярдәм итү, һөнәр сайлауда җаваплылык хисе формалаштыру максатларын күздә тотып әңгәмә үткәрде. Профессор Е.А.Климов тәкъдим иткән һөнәрләр классификациясе белән таныштырды, анкета нәтиҗәләре буенча укучыларның һөнәри юнәлешләрен аңлатып үтте. Һөнәр сайлаганда "телим”, "булдырам”, "кирәк” төшенчәләренең үзара туры килүенең әһәмияте турында фикер алышу оештырылды. Практикум өлешен 11 нче сыйныф җитәкчесе Шафикова Гөлнар Илдаровна үткәрде. Ул укучыларны хәзерге заман хезмәт базары үзенчәлекләре, эш бирүчегә үз-үзеңне тәкъдим итә белүнең әһәмияте, резюме төзү алымнары белән таныштырды. Резюме төзүнең телдән, язмача һәм Интернет вариантлары күрсәтелде, резюме төзү кагыйдәләре аңлатылды, практик рәвештә эшләп карау оештырылды. Һөнәр сайлау алдында торган чыгарылыш сыйныф укучылары өчен мондый чараның тәрбияви һәм практик әһәмияте зур. Семинарда профиль алды эзерлеген оештыру буенча тәҗрибә уртаклашу уткәрелде.
К списку новостей
