"Наркотикларсыз тормыш" айлыгы кысаларында тәрбияви чаралар дәвам итә. Кичә, 25 нче сентябрь көнне, 5-8 нче сыйныф укучылары өчен тәрбия сәгате үткәрелде. Сыйныф җитәкчеләре М.Ф.Миннеханова белән Н.А.Михайловалар  "Наркотиклардан ерак тор!" дип исемләнгән сыйныф сәгатенә авыл фельдшеры Нуриева З.Ф.ны чакырганнар  иде. Шәфкать туташы "Наркотик татысаң, сине нәрсә көтә?" дигән темага нәтиҗәле чыгыш ясады. Укучылар үзләре дә презентация белән чыгыш ясадылар. Сыйныф сәгате "Минем дусларым" уены белән тәмамланды. Укучылар үз дуслары итеп спортны, җиләк-җимешләрне, яшелчәләрне сайладылар. Аларның дошманнары - яман гадәтләр. Сыйныф сәгате көн кадагындагы тәҗел проблеманы күтәрүе белән әһәмиятле булды. Сыйныф җитәкчеләренә,  файдалы тәрбия сәгатен оештырганнары өчен, дирекция исеменнән рәхмәт белдерелә.