12 июнь- Россия  көне.Шул уңайдан, төрле чаралар үтте. Отрядлар арасында пионербол уены оештырылды.Җиңүне 2 отряд яулады. "Мы дети России" викторинасында 1 отряд  активлык күрсәтте.

Балалар лагерьның 9 нчы конен күңелле музыка астында иртәнге зарядкадан башладылар. "Умники и умницы", "Самый, самый...", "Волшебная кисточка" исемле  чаралар үткәрелде. Саф һавада күңелле уеннар һәм дәртле музыка астында дискотека балалар күңеленә хуш килде.

Балалар бүген дә бик теләп лагерьга килделәр. Иртәнге зарядка ясаганнан соң, тәмле итеп иртәнге ашны ашадылар. "Күңелле рус теле" викторинасы  мавыктыргыч үтте. Балалар бик теләп катнаштылар. Дуслык турында әңгәмә аеруча да җанлы булды. Балалар дуслыкка багышланган шигырьләр сөйләделәр, җырлар җырладылар, мәкальләр әйттеләр, рәсем ясадылар. Көндезге аштан соң саф һавада уеннар уйнадылар.

Кояшлы иртә укучыларны кабат "Шатлык"ка җыйды. Укучылар Г.Тукай иҗатына багышланган квестта катнаштылар. Өстәл уеннарын укучылар бик яратып уйныйлар. Бигрәк тә лото уенын үз иттеләр. "Тамчы-шоу" уенында беренче отряд җиңү яулады. Ракета очырту буенча ярышта Халилов Кәрим, Ахмадиев Алим, Фәсхиев Нәфискә тиңнәр булмады.

Укучыларыбыз бүген "Изгеләр"  чишмәсенә сәяхәт кылдылар. ТИН фәннәре укытучысы Биктимиров А.Г. сулыклардагы куркынычсызлык турында сөйләде. Суда батучыга ярдәм күрсәтү буенча практик эш күрсәтелде, укучылар үзләре дә эшләп карадылар.

Көнебез саф һавада физик күнегүләр ясаудан башланды.Иртәнге аштан соң "Без коррупциягә каршы"  темасына рәсемнәр ясалды. Көндезге аштан соң "Юлда булсаң,бул өлгер" дип аталган чара уздырылды. Чарада полициянең участок уполномоченные Гатин Марат Мурсалим улы катнашты. Укучыларга тагын бер кат куркынычсызлык кагыйдәләрен аңлатты.

Бүгенге көнебез "Беренчеләр хәрәкәте"нә багышланды. Лагерьга йөрүче укучылар алдында район слетына барган укучыларыбыз чыгыш ясады. Яңа балалар хәрәкәте турында укучылар белән әңгәмә оештырылды. Әлеге темага асфальтта рәсем ясау  укучыларның күңеленә хуш килде. Чара "Беренчеләр хәрәкәте"нең флешмобы белән тәмамланды.

Иртәнге линейкадан соң, укучылар маршрут  буенча  шөгыльләргә таралды. "Авиамоделирование" түгәрәгендә ракета ясадылар."Яшь рәссам"  шөгылендә табигать күренешләре кәгазьггә төшерелде."Көчле звено" уенында зирәк отрядлар ачыкланды. Җиңүче булып  4 отряд танылды.

Хезмәт һәм ял лагере укучылары бакчадагы барлык эшләрне җиренә җиткереп башкаралар. Эшләгәннән соң план буенча чараларда катнашалар

"Шатлык" ның  икенче көне "Сәяхәт көне" булды.Укучыларыбыз "Нарат" боз сараена сәяхәт кылдылар. "Күңелле стартлар" уенында үзара көч сынаштылар. Икенче отряд бу уенда җиңү яулады.