Әниләр өчен сюрприз-нәниләрдән бүләкләр булды, алар үз куллары белән ясадылар.

Туган телдә җырлый чишмә,

Туган телдә шаулый таллар.

Туган телдә дәшсәм генә,

Туган җирем мине аңлар.

21нче февраль-Халыкара Туган тел көне. Һәр халыкның үз тарихы, үз гореф- гадәтләре,үз теле. Һәркемгә туган телен саклау, аны киләчәк буынга исән-имин җиткерү максаты мөһим булырга тиеш. Бу максаттан чыгып, "Алтынчәч" балалар бакчасында "Яшәсен, Туган тел!" дип исемләнгән кичә үткәрелде. Татар, рус, чуваш, инглиз телләрендә шигырь, җыр башкарылды. Төрле милләт халык уеннары, рус, татар биюләре дә балалар күңеленә хуш килде. Шуның өчен дә бит бу зур бәйрәм Татарстан республикасында яшәүче барлык милләт халыклары өчен бик зур вакыйгага әверелде. Шул уңайдан чыгып, һәрбер милләт кешесе үзенең туган телен яратырга һәм хөрмәт итәргә, үз телендә иркен сөйләшергә тиеш.Туган тел ул безнең үткәнебез һәм киләчәк тарихыбызның җимерелмәс күперчеге. Әйдәгез, бергәләп туган телне саклыйк, яклыйк, туган телдә дөрес итеп сөйләшик, чөнки ул безнең гореф-гадәтләребезне, мәдәниятебезне тирәнтен чагылдыра, алга таба яшәргә, иҗат итәргә көч бирә.

Идел ярларына нурлар сибеп,

Матур булып ата бездә таң.

Таң шикелле якты, күп милләтле

Туган илебез безнең Татарстан!

«Кояшкай» балалар бакчасында балаларны янгын сүндергеч белән таныштыру булды. Чөнки нәкъ менә 7 февраль-ут сүндерүченең туган көне. Балаларга янгынга каршы почмак, аның билгеләнеше турында төшенчә бирделәр. Янгын сүндергечләрнең төрләре һәм янгын вакытында аны куллану ысуллары турында белемнәрне киңәйттеләр. Балалар төсле кәгазьдән ут сүндергечләр ясадылар. Шулай ук балалар белән янгын куркынычсызлыгы төшенчәсен ныгыттылар, янгын куркынычсызлыгы кагыйдәләрен үтәү кирәклегенә ышандырдылар. 01 телефоны буенча янгын сүндерүчеләр бригадасын чакыру дөреслеген ныгыттылар.

25 нче гыйнвар көнне Сабабаша балалар бакчасында тәрбияләнүче балалар авылыбыз мәчетенә экскурсиягә бардылар.  Авылыбызның мулласы Рахимҗан хәзрәт аларны ачык йөз белән каршы алды.  Балаларны мәчет белән таныштырды. Аның Аллаһ йорты икәнен, монда абый-апаларның намазга йөрүләрен, мәчеттәүз-үзеңне тоту кагыйдәләрен аңлатты.

Бүген мәктәпкә әзерлек төркеме балалары, тәрбиячеләр белән берлектә, ТАССРның 100 еллыгына багышланган чаралар кысаларында Сабабаш мәктәбенең музеенда булдылар. Музей хезмәткәрләре балаларны бик теләп каршы алдылар һәм музейда экскурсия үткәрделәр. Балалар ул вакытта җирле халыкка хезмәт иткән тарихи ядкарьләр һәм предметлар белән таныштылар, татар халкының көнкүреше турында күп кенә сорауларга җаваплар алдылар. Балалар кызыксынып борынгы хезмәт коралларын, тәңкәләрне, өй кирәк-яракларын карадылар. ТАССР тарихына, республикада яшәүче милләтләргә, мәдәни-тарихи мираска багышланган күргәзмәдә аерым тукталдылар. Балаларга музейга экскурсия бик ошады, алар үзләре өчен бик күп кызыклы һәм файдалы әйберләр алдылар.

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

Балаларның саф һавада булуы физик яктан камил үсеше учен бик кирәк. Саф һавада йөрүләр бала организмын чыныктуыруда беренчел һәм мөмкин булган чара.

Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә.

Яңа елның сихри киче.
Ихлас теләкләр сезгә!
Барлык хыял-өметләр дә
Калмасын иде сүздә.
Сәламәтлек ныгый барсын,
Гаилә дус-тату булсын!
Дусларыбызның йөзендә
Елмаю балкып торсын!