Туган як каеннарыдый гүзәл, имәндәй ныклы ихтыяр көченә ия, һәр кылган гамәле белән гөмер юлларын бизәп, намус, вөҗданны юлдаш итеп яшәүчеләр соклангыч бер матур үрнәк булып торалар. Әлеге изге сыйфатларны үзенә мулдан җыйган, кайда гына хезмәт куйса да, халык ихтирамын казанып, һәр мизгелне кабатланмас җыр итеп яшәүче гүзәл затларыбызның берсе, 8 мартта туган көнен билгеләп үтә.

Ул безнең хәрмәтле җитәкчебез Фирая Аухатовна

Һәрчак уңыш көтеп тора

Сезнең гөмер юлыгызда

Бәхет серен ачар ачкыч

Әллә сезнең кулыгызда.

Төшенгәнсез инә белән

Кое казып яшәү көчен.

Һәр көнегез хезмәт белән

Үтә яшәп халык өчен.

Хөрмәтле Фирая Аухатовна! Сез гөмерегезне хезмәткә багышлап, җир йөзенә бары игелек эшләр өчен генә яратылган кешедер, вакытыгызны кызганмый эшләүче, кешелекле, ярдәмчел һәм зыялы шәхес сез.

Сезгә мактаулы исемнәр бирелү дә, сезнең чын мәгънәсендә оста оештыручы, таләпчән җитәкче булуыгызның ачык дәлиле.

Фирая Аухатовна! Бәйрәмегез белән сезне ихлас котлыйбыз. Киләчәктә дә ныклы саулык, яхшы кәеф, яшәү дәрте өстәрлек уңышлар, бәхет телибез.

Көчле рух, сүнмәс яшәү дәрте

Бирелгәндер сезгә тумыштан.

Үр артыннан яңа үрләр яулап

Яшисез сез туймый тормыштан.

Сезгә карап сокланабыз һәрчак

Күңелләрдә туа горурлык.

Рәхмәт сезгә! Әле ярый сез бар

Безгә үрнәк булып торырлык.

Сезне хөрмәт итеп, сез җитәкләгән “Бэлэкэч” балалар бакчасында эшләүчеләр