Бүген бакчабызда татар халкының бөек шагыйре Габдулла Тукайның туган көне уңаеннан«Тукай безнең күңелләрдә" дигән әдәби кичә узды. Кичә барышында шагыйрьнең тормыш юлы искә төшерелде. Мәктәпкәчә яшьтәгеләр төркемендә тәрбияләнүче балалар " Су анасы" әсәрен сәхнәләштерделэр. Шулай ук «Өзек кайсы шигырьдән?", "Рәсемне таны", "Капчыкта нәрсә бар?" уеннарында балалар бик актив булдылар, белемнәрен күрсәттеләр. Г.Тукай үзенең иҗат җимешләре аша хезмәтне, табигатьне, кешеләрне яратырга; гадел, мәрхәмәтле булырга өйрәтә. Ә сабыйларыбызның аның әсәрләрен белүләре, кызыксынулары, татарча матур итеп сөйләүләре безнең - тәрбиячеләрнең күңелендә горурлык һәм якты хис уятты.