Бүген бакчабызда тәрбияләнгән иң актив, иң тырыш, иҗади, акыллы 5 кызыбыз өчен күңелле дә, моңсу да, тантаналы да бәйрәмнәрнең берсе – чыгарылыш кичәсе узды. Бакча тәрбияләнүчеләре өчен яңа тормыш баскычына аяк басу көне иде бу. Балаларны бакчабыз хезмәткәрләре, әти-әниләре, бакчадагы нәни дуслары да котлады. Кечкенә дуслар үзләренең чыгышлары, шигырьләре, җырлары белән бәйрәмгә үзенчәлекле ямь өстәделәр.
Кадерле балалар! Тормышыгыздагы һәр чыгарылыш кичәсе үз вакытында булсын. Киләчәктә сезгә исәнлек-саулык, акыллы, тәртипле, уңган балалар булып мәктәптә әйбәт билгеләргә генә укуыгызны телибез!