Саулык-зур байлык.Спорт - сәламәтлек чыганагы атна темасын төгәлләп төрле спорт уеннары уйнадык. Балаларга сәламәтлекнең зур байлык булуын даими төшендереп торабыз. Сәламәтлекне ныгыту, саклау өчен  спорт белән шөгылләнү мөхим икәнлеген аңлаттык. 

Олыяз авылы мәдәният йортында бакчабызның  Яңа ел иртәсе  үтте! Балалар үзләренең һөнәрләрен күрсәттеләр. Ә балаларга иң рәхәте Кыш бабайның килүе, бүләк өләшүе булды. Бәйрәм бик күңелле үтте!

Әкият сәхнәләштерү.

Шәмәрдән "Теремок" садигы безнең базовый садик буларак, без алар белән еш тәҗрибә уртаклашабыз. Робот мышка методикасы белән танышып кайттык. Бакчабызда балаларны робот мышка белән таныштырып, эшләргә өйрәттек.

Үзенең салкыннары белән, акка төренеп кыш та килеп җитте. Балалар белән быел утырткан агач төпләренә кар өеп, тамырларын җылыттык. Балаларга агачларга ярдәм итү бик ошады.

Бездә кышлаучы кошлар атна темасын йомгаклап, даими рәвештә кошларның җимлекләренә азык салырга килештек. Балалар чиратлап ашатабыз дип сөйләштеләр.

Хөрмәтле әниләрне бәйрәм белән котлыйбыз! Илләребез тыныч булып, балаларыбызның кадер- хөрмәтендә яшәргә насый булсын!

Бөтенроссия "Бала хокукларын саклау" акциясендә катнаштык. Балаларга презентация күрсәтеп, фикер алыштык.

Экология атналыгында балалар белән роза чәчәкләрен кышка каплап куйдык. Кыш көне кайбер чәчәкләрне, куакларны туңмасыннар, өшемәсеннәр өчен каплап куярга, агачларның тамырлары туңмасын өчен төпләренә кар өяргә кирәклеген сөйләдек.

Балалар белән даими әңгәмәләр уздырабыз. Чит кешеләр янына бармаска, урамда таныш булмаган пакет-сумкалар күргәндә ашыгыч рәвештә зурларга хәбәр итәргә кирәклеген төшендереп торабыз. Өлкәннәр өйдә булмаганда ишекне ачмаска, телефоннан чит кешеләргә җавап бирмәскә икәнлеген аңлатабыз.