Бакчабыз чәчәкләргә күмелде!

30 август Республика көне хакында әңгәмә үткәрдек. Татарстан Республикасы әләмен ясадык.

Җәйнең матур көннәрендә, урамда төрле хәрәкәтле уеннар уйнавы балаларга бик ошый.Сәламәтлек - зур байлык кысаларында күңелле эстафета оештырдык. Сәламәтлек нигезендә хәрәкәт ятуын балаларыбыз яхшы аңлый.

Атна дәвамында төрле әкиятләрне рольләргә кереп башкардык. Балаларга төрле геройларны уйнау бик ошады.

Бакчабызда үскән яшелчәләр, җиләк-җимешләр турында сөйләштек. Балалар сау-сәләмәт булып үссен өчен үзебезнең бакчада үскән файдалы яшелчәләр, җиләк-җимешләр ашарга кирәклегенә басым ясадык. Төрле уеннар уйнап кайсы яшелчә файдалы икәнен ныгыттык.

Комда рәхәтләнеп уйнадык. Кемнең нинди фантазиясе бар, барсында кулланып йорт, ишек алды, елга, юллар һ.б.ны төзедек. Балалар хыялланып бергә-бергә төзергә яраталар.

"В подводном царстве" атналык темасына багышлап төрле мультфильмнар карадык, рәсемнәр ясадык.

Балалар белән суның әһәмияте турында сөйләштек. Төсен, тәмен, исен ачыклап, суда нәрсәләр бата ( таш, тимер, ком) һәм нәрсәләр батмавын ( агач, пластмасса, боз) ачыклап тәҗрибәләр үткәрдек. Балаларга бик кызыклы булды, ошады. 

8 нче июль гаилә көне буларак билгеләп үтелә. Балалар гаиләләренең рәсемен ясап алып килделәр һәм иптәшләренә гаиләләре, ничек бергәләп ял итүләре турында сөйләделәр.