Инвалидлар  декадасы  уңаеннан   6 декабрь көнне  "Мин ниләр  булдырам"  темасына  бәйрәм  уздырдык.  Бәйрәмгә  4 яшьлек  Хабибуллина Зәлинәне  чакырдык.  Аңа үз  кулыбыз  белән  ясаган  бүләк  тапшырдык. Зәлинә  белән   "Кар бабай"  дигән  кулдан  эшләнмә  ясадык, уеннар  уйнадык. Бәйрәм  бик  күңелле  булды

Мәктәбебездә “Әнием - йөрәк тибешем”  дигән исем астында Әниләр көне билгеләп үтелде.Әлеге чарага иң сәләтле, иң булдыклы әниләр чакырылды. Башлангыч класс укучылары, мәктәпнең балалар думасы членнары тарафыннан әзерләнгән концерт программасы күрсәтелде.Әниләр дә күчтәнәч белән килгәннәр иде: Галимова Р. үзе язган шигырьләрен укыды, Баһманова Илзирә кызы Илүзә белән җыр бүләк итте, китапханәче Заһидуллина В. әниләр темасына язылган китаплар белән таныштырды, барыбызны да уйландырырлык “Соң булмасмы?” дигән шигырь укыды.Ир-атлар өчен дә авыр хезмәт саналган ветеринария табибе булып 27 ел эшләүче Гимадиева М. үзенең хезмәте турында сөйләде.

"Посмори в глаза ребенка" акциясе кысаларында ата-аналар җыелышы булды."Куркынычсыз интернет"  темасына киңәшләр бирелде, компьютерларга фильтр урнаштырырга кирәклеге аңлатылды.Классларда  "Уңышка юл" программасы буенча лекцияләр укылды.

Башлангыч класс укучылары белән тәнәфестә уеннарны физкультура укытучысы Сибагатова Г.И. оештырды. Алар “Команданы тыңла”, “Су - коры җир”, “Ябалаклар” уеннарын бик теләп уйнадылар.