5-6 класс укучылары арасында тамчы-шоу уенын педагог-оештыручы Габдракипова Д.А. үткәрде. “Җидегән”  һәм  “Салават күпере” командалары 6 турдан торган уенда көч сынаштылар.Уен 18:15 исәбенә тәмамланды. “Җидегән”  командасы җиңүче булды.

Бүген мәктәбебездән 4 егет Кукмара районының Ятмас-Дусай авылына татарча көрәш буенча  республика ярышына киттеләр.Без аларга уңышлар  телибез!

Мәдәният йортында балалар өчен чыршы бәйрәме үткәрелде. Анда укучыларыбыз уеннарда актив катнаштылар, һөнәрләрен күрсәттеләр, күңелле итеп ял иттеләр.

Лагерьның җиденче көне дә  сизелми  үтеп китте.Консультацияләрдән соң Сабага үзәк чыршы янына мендек. Рәхәтләнеп таудан шудык, таганда атындык,  сыннар  карадык.Лотерея уеныннан соң лагерьны ябу тантанасы булды.

   Егетләр арасында теннис буенча ярышта Гильмутдинов Рәфкать белән Габдракипов Инсафка тиңнәр табылмады.

 Лагерь вакытында туган көне булган укучыларны котлау традициягә әверелде. Бүген балалар Думасы спикеры Шарифуллин Фәнзилнең  туган  көне.Һәр отряд туган көн иясенә сюрприз әзерләде. Фәнзил үзе яраткан җырларын гитара  белән башкарды.

Фәнзил!Чын күңелдән котлыйбыз сине!Сәламәтлек, бары тик шатлыклар, уңышлар гына телибез.