Бүгенге көнне Ибрагимов Р. З. күңелле гимнастика белән башлап җибәрде. Иртәнге аштан соң караоке җырладылар, аннары рус теле укытучысы Ситдикова Р.Р.  күңелле рус теле дәресе алып барды, рус халык мәкалләренә рәсемнәр ясадылар. Саф һавада татар халык уеннары уйнадылар. Обед ашаганнан соң Яңа Мичән авыл клубы хезмәткәрләре белән уеннар уйнадылар. көн күңелле һәм кызыклы үтте. 

Балалар көннәрен гимнастик күнегүдән башладылар, аннары оригами ясадылар. Мубараков Р.И. су асты, су өсте көймәләре, ракета, самолетлар белән таныштырды. Вожатый апалар белән флешмоб биеделәр. Көн күңелле үтте. 

Лагерь тормышы кызыклы барсын өчен балалар бер-берсенә бүләкләр ясадылар, туган авыл буйлап экскурсиядә булдылар, Сабадан килгән эксперт каршында дәрес тә бирделәр.

Лагерь планы нигезендә Файзрахманова Р.Г.  балалар белән "Туган якны өйрәнү музее"нда ветераннар турында сөйләшүләр алып барды.  Аннары саф һавада төрле уеннар уйнадылар.

Лагерьның икенче көне иртәнге гимнастикадан башланып китте. Көн дәвамында  һәр отряд үзенең визит карточкасын курсәтте, Файзрахманова Р.Г. "Тыл ветераннары - бүгенге геройлар" исемле дәрес үткәрде, ял бүлмәсендә киносеанс үтте, "Скажи нет вредным привычкам" акциясе узды, Саба ППМС "Семицветик" үзәгеннән килгән психолог белән тренинг үткәрделәр. Көн күңелле узды.

Бүгеннән мәктәп яны "Кояшка" лагеры эшли башлады. Укучылар җыйналгач лагерь тормышы, линейка, гимн белән башланды. Аннары укучылар план нигезендә төрле чараларда, уеннарда актив катнаштылар.

Бүген укуларның соңгы көне, иртәгәдән каникуллар башлана . Шул уңайдан 1 июнь- Балаларны яклау көненә карата мәктәп күләмендә чаралар узды. Укучылар уеннарда, чараларда актив катнашып күтәренке кәеф белән кайтып киттеләр.

Бүген мәктәп күләмендә 9 нчы сыйныф укучылары өчен соңгы тапкыр кыңгырау шалтырады.

Мәктәп еллары!

Нинди гүзәл көннәр!

Тупланганнар аңа барысы да:

Укучының кайгы-шатлыклары,

Яшь кызларның сагышы…

Шау-гөр килеп узган кичәләр,

Яшьләрнең шат, шаян жырлары,

Яшь кызларның керсез хыяллары,

Җырлап үткән мәктәп еллары.

Синдә кала, барысы синдә кала

Гүзәл уку, мәктәп еллары.

Мәктәп күләмендә "Эковесна - 2017"  конкурсына төрле чаралар оештырылды