"Котлы булсын, ямьле булсын,

Бүген- Әни бәйрәме".

Кабул итеп ал Син бүген,

Бездән шушы бүләкне.

Кадерле Әтиләребезгә  балалар үз куллары белән ясаган открытка бүләк иттеләр.

Без шушы бәйрәм кичәбезне мәктәп укучыларына күрсәттек. Без аларны Универсиада талисманы, эмблемасы, логотибы белән таныштырдык. Универсиадага багышлап шигырьләр сөйләдек, җырлар җырладык, биедек.

Җирнең иң матур җирендә

Татарстанда торам мин,

Малайлар һәм кызлар! Сезне

Универсиадага чакырам мин.

Бүген "янгын куркынычсызлыгы" кагыйдәләренә нигезләнеп "Шырпы- балаларга уенчык түгел" дип исемләнгән кичә үткәрдек. Кичәдә балалар белән әңгәмә үткәрдек, табышмакларга җаваплар эзләдек һәм йомгаклау өлешендә презентация карадык.

Безнең балалар күмәк рәвештә спорт белән шөгыльләнәләр. Чаңгыда, чанада шуарга бик яраталар. Киләчәктә безнең арадан да алдынгы спортчылар чыгар, Алла боерса!

Исәнме, чыршы, исәнме!

Яңа ел килеп җитте,

Күңелле чыршы бәйрәмен

Балалар күптән көтте.

Көтеп алган Яңа ел бәйрәме дә җитә. Киләсе Елан елына багышлап сыннар да ясадык.

Бакчабызга әниләрне һәм укытучы апаларны кунакка чакырдык. Без аларга "Туган җирем- Татарстан" дигән темага ачык шөгыль һәм әниләр көненә багышланган концерт күрсәттек. Аннары "Ана күңеле- ал кояш" исемле әдәби кичә булды. Кичәдә нәниләребез дә бик теләп катнашты.

"Корбан гаете"нә без авылыбыз мулласы Рафыйкъ абыйны чакырдык. Ул балаларга коръәннән аятьләр укыды, вәгазь сөйләде.