В старшей группе эта неделя была посвящена Космосу. В начале недели дети рисовали " Звёздное небо" Занятия по развитию речи тоже шли по этой же теме. Детям эта тема была интересна. Удивительно, они много знают о планетах, звёздах. Мы дополнили знания, читали разные рассказы и сказки о них.

 Бу атнада кечкенәләр һәм уртанчылар катнаш төркеме балалары белән Галәм, космос турында сөйләштек. Танып белү шөгылендә балалар, галәм, күк йөзе, космос - андагы кызыклы, мавыктыргыч әйберләр белән танышсалар, кисеп ябыштыру шөгылендә үзләре "космонавт" булдылар, әвәләү шөгелендә пластилиннан зәңгәр күк йөзендәге планеталар, йолдызларны күзаллап фантазияләрен күрсәттеләр һәм бик матур итеп эшләделәр. 

Карга боткасы бигрәк тәмле! Балалар бүген рәхәтләнеп саф һавада күңел ачтылар, җырладылар, уйнадылар. Кыш бабайны озатып, Яз кызын - Нәүрүзбикәне каршыладылар.

Бүген Лесхоз "Ләйсән" балалар бакчасында Язны-Нәүрүзбикәне каршы алу бәйрәме булды. Балалар Яз кызы-Нәүрүзне каршы алдылар, матур җырлар җырладылар, карга боткасы пешерер өчен Нәүрүз белән бергә өйдән-өйгә йөреп, май, йомырка, ярма җыйдылар. Матур итеп бәйрәм иткәндә: "Бу нинди  тавыш монда, минем биләмәләремә кем хуҗа булмакчы?"-дип Кыш бабай килеп җитте, кыш бабай ярышмыйча гына үз урынын Язга Нәүрүзгә бирергә теләмәде. Ләкин...көн бик җылы иде, Кыш бабай эри башлады, һәм тыныч, матур, якты көннәр теләп  үз урынын Язга тапшырды. Ахырдан балалар Риналь абыйлары пешергән карга боткасы белән сыйландылар. Бәйрәм бик күңелле үтте.  

Һәр биремнең дөрес үтәлешен Илнур Дамирович тикшереп, бәяләп барды.

Капитаннар җитезлектә көч сынашты. Машинага бәйләнгән бауны беренче чорнап бетереп капитан бакчабыз командасына тагын 1 балл өстәде!

Балалар җәяүлеләр чыгу урынын күрсәтүче юл билгеләрен белүләрен, светофорны аңлауларын күрсәтеп, юл аркылы чыгып күрсәттеләр. Ә бу вакытта өлкәннәр командасы машиналар ролен башкардылар. 

Мәктәпкә хәзерлек төркемендә юл йөрү кагыйдәләрен ел дәвамында өйрәнәбез. Юл билгеләрен, урамда һәм транспортта үз-үзеңне тоту кагыйдәләрен балалар төрле кызыклы чаралар ярдәмендә үзләштерәләр. Төрле рәсем конкурсларында катнашабыз, табышмаклар, җырлар-шигырьләр өйрәнәбез. Ә бу атнада "Лесхоз картлар һәм инвалидлар интернат-йортында" КВНда катнаштык. Бер команда бабайлар һәм әбиләрдән торса, икенче командада малайлар һәм кызлар көч сынашты. Ике команда да бик актив булды, шулай да балалар балларны күбрәк җыйды. КВН ахырында ЮХИДИ хезмәткәре Насибуллин Илнур Дамирович балаларга юл йөрү кагыйдәләрен өйрәнүдә уңышлар теләп, җиңү белән котлап китаплар һәм " яктылык кайтаручы смайликлар"  бүләк итте. 

  Бүген кечкенәләр һәм уртанчылар төркеме балалары белән танып-белү шөгылендә, светофор белән таныштык. Юл билгеләрен, юл йөрү кагыйдәләрен өйрәндек. 

Районкүләм уздырыла торган "Я за мир на дорогах" дип аталучы рәсем күргәзмәсендә балалар да, әти-әниләр дә зур кызыксыну белән катнашты.