25 ноябрь көнне Курсабаш төп мәктәбендә “Иң-иң кадерлеләребез” исеме астында әниләр бәйрәме үтте.  Чарага барлык әниләр дә чакырулы иде.  Әлеге бәйрәмдә барлык сыйныф укучылары да катнаштылар. Чараны Магсумова А.М. оештырды һәм 7 сыйныф укучылары алып бардылар. Бәйрәм җыр-биюләр, шигырьләр һәм сәхнәләштерелгән күренешләр белән үрелеп барды. Әниләр үз балаларының чыгышларыннан бик канәгатъ калдылар.

24 нче ноябрь көнне Курсабаш төп мәктәбендә эзтабарлар  белән  “Әниләр  көне” нә  багышлап  бүләкләр, котлау  открыткалары   ясадык. Күрегез   нинди  матур  килеп  чыкты. 

Бүген мәктәп китапханәсендә укучыларны китап укуга кызыксындыру максатыннан  “Китаплар иле буйлап” темасына беренче сыйныф укучылары белән сәяхәт- дәрес оештырылды. Мәктәп китапханәчесе Аскарова З.Р. укучыларга китап уку кагыйдәләрен аңлатты, матур әдәбият китаплары белән таныштырды.

10 нчы ноябрь көнне Курсабаш төп мәктәбенә психологик десант килде.  9 нче сыйныф укучылары өчен “ОГЭ га психологик әзерлек” темасына тренинглар үтте. Риск төркемендәге укучылар саны күбрәк булган сыйныфлар  өчен тренинглар оештырылды. Сөйләмендә кимчелекләр булган укучыларга логопед ярдәме күрсәтелде.

Бүген, 9 нчы ноябрь көнне Курсабаш төп мәктәбендә барлык сыйныф укучыларының  төп физик группага кергәннәре ГТО нормаларын тапшырдылар. Һәр укучы үз баскычына тиешле биремнәрне үтәде.

31 нче октябрь һәм 1 нче ноябрь көннәрендә үткән "Я мастер" конкурсында безнең мәктәптән 8 сыйныф укучылары Шарипова Адилә һәм Садиков Илсаф катнаштылар. Садиков Илсаф грамота һәм флешка белән бүләкләнде.