Бүген Иҗат үзәгендә үткән "Без бергә" конкурсының "Нәфис сүз" номинациясендә катнашып икенче урынга лаек булды. 

Бүген мәктәбебездә 8 март- Халыкара хатын-кызлар көне уңаеннан "Могҗизалар кыры" уены үтте.  Уенны Леонид Якубович үзе алып барды. 5-9 сыйныф кызлары өч турга бүленеп көч сынаштылар. Кызлар үзләре әзерләп килгән бүләкләрен: җыр-биюләрен дә күрсәттеләр.  7сыйныф укучысы Нагимова Зилә җиңүче булды. Чара бик матур үтте.

2017 нче ел Татарстан Республикасында Экология Елы дип игълан ителде. Шушы  уңадан без мәктәптә  Экология  дәресләре  үткәрдек.  Бу  дәресләрнең төп максаты – әйләнә - тирәне яратучы ,аңа сакчыл караучы социаль- актив , гуманлы иҗади шәхес тәрбияләү , экологик белемнәрне пропагандалау тора. Беребез дә  табигатькә зыян  салмыйк. Кылган эшләребез өчен хәзер дә, киләчәк  буыннар  алдында  җаваплы   икәнебезне   онытмыйк!

22 февраль көнне мәктәбебездә “Ягез әле, егетләр!” бәйгесе үтте. Әлеге чараны 5 сыйныф укучылары алып барды, 6-9 сыйныф егетләре ике командага бүленеп көч сынаштылар. “Лидер” һәм “Патриот” командалары “Таныштыру”,  “Рәсем ясау”, “Отжимание”, “Кадак кагу”, “Иҗади бирем үтәү” конкурсларында көч сынаштылар.  Аларны ял иттереп конкурслар арасында укучылар бәйрәмгә багашлап мәзәкләр сөйләделәр, җырлар җырладылар. Бәйге бик күңелле үтте. Әз генә өстенлек белән “Патриот” командасы җиңде. Ике командага да грамоталар һәм истәлекле бүләкләр тапшырылды.

Бүген, 21нче февраль көнне, Курсабаш төп мәктәбендә “Аҗаган -2017” хәрби-патриотик уены үтте .  6-9 сыйныф укучылары ике ротага бүленеп төрле ярышларда көч сынаштылар: автомат сүтеп-җыю, ОЗК кию, противогаз кию, азимут буенча йөреп байрак эзләү һәм боевой листок чыгару. Ярыш бик кызу барды һәм беренче рота җиңү яулады. 

Мәктәбебездә 21 нче февраль –Халыкара туган тел көне билгеләп үтелде.   21 нче февраль - һәр милләт, һәр халык өчен бәйрәм көн. Бу көн 2000 нче елда ЮНЕСКО карары нигезендә билгеләп үтелә башлады. Бүген дөнья халыклары 6 мең телдә сөйләшә. Һәркем өчен дөньядагы иң кадерлесе – беренче сөйләшә башлаган ана теле. Халыкара туган тел көнендә барлык телләр дә, тигез дип таныла, чөнки аларның һәркайсы кеше язмышы өчен җавап бирә һәм без аны сакларга тиешбез.  Татарстанда рус һәм татар телләре дәүләт телләре дип игълан ителде. Татар теле һәм әдәбияты укытучысы Йосыпова Р.И. һәм рус теле һәм әдәбияты укытучылары Акбирова В.Ф., Аскарова З.Р. укучылар белән чыгыш әзерләделәр. Кичә  “Туган тел” җырын башкару белән тәмамланды.

Бүген мәктәп китапханәсендә Муса Җәлилнең туган көне уңаеннан 7 сыйныф укучылары белән “Гомерем минем моңлы бер җыр иде, үлемем дә яңгырар җыр булып” дигән темага китапханә дәресе үткәрелде. Дәреснең максаты  укучыларның М.Җәлил турындагы белемнәрен арттыру, патриотик хисләр тәрбияләү.Дәрестә укучылар шагыйрьнең тормыш  юлы  һәм иҗаты белән якыннанрак таныштылар, шигырьләрен сәнгатьле укыдылар. Муса Җәлил язган ”Тупчы анты”шигыренең кулъязмасы белән таныштылар.

11 нче февраль көнне һәр сыйныфта “Батырлык дәресе” дигән темага класс сәгате үткәрелде. Дәрестә укучыларга“нәрсә ул батырлык”, “батыр кеше нинди була” кебек төшенчәләрне аңлату максаты куелды. Дәрес барышында укучылар белән бу темага диспут корылды, видеоролик күрсәтелде. Бөек Ватан сугышы һәм тыл батырларына ихтирам, хөрмәт тәрбияләү буенча   сөйләшенде. “Дәһшәтле  сугыш  мизгелләре”   альбомы  буенча   сәяхәт  иттеләр. Тыныч тормышта да батырлык  эшләүчеләр  белән  таныштылар. Укучылар дәрес азагында нинди батырлыклар эшли белергә һәм батыр булу өчен үзләреңдә нинди сыйфатларны тәрбияләргә кирәклеккә төшенделәр.