#Безбергә#

#ДобрыйТатарстан#

Бүген мәктәп китапханәсендә I-сыйныф укучыларын  китапханә белән таныштыру, китапка карата мәхәббәт һәм сакчыл караш тәрбияләү максатыннан  “Китап дөньясына сәяхәт” оештырылды. Китапханәче Аскарова З.Р.аларга китапханәдә үзеңне тоту  һәм китап уку  кагыйдәләрен аңлатты. 

Бүген мәктәбебездә Куркынычсызлык айлыгы кысаларында эвакуация үтте.

Менә лагерьның, соңгы, егерме беренче көне дә җитте. Иртәнге аштан соң, укучылар Хәтер көнен искә алдылар, һәйкәлләргә чәчәкләр салдылар, лагерьның ябылу тантанасына әзерләнделәр, “Сау бул, Лагерь!» концерт программасында катнаштылар, әлеге темага рәсемнәр ясадылар. Төшке аштан соң, лагерьга йөргән укучылар белән үткән көннәрне искә төшердек, йомгак ясадык.

Лагерьның егерменче көнен җирле ландшафтны өйрәнүгә багышладык. Курсабаш авылында урнашкан бия буенда кечкенә генә экспедициядә булдык, “Табышмак иленә” сәяхәт иттек. Укучыларга бүгенге көн бик ошады.

Лагерьның унтугызынче көнендә иң оста балык тотучыны ачыкладык. Ә төшке аштан соң, балалар “Алтын балык” аппликацияләр конкурсында актив катнаштылар. Көн күңелле үтте.

Лагерьның унсигезенче көнендә авылыбызның экологиясе турында сөйләштек, викторина үтте, укучылар “Туган авылым табигате” темасына рәсемнәр ясадылар. Көнгә йомгак ясалды, актив укучылар бүләкләнде.