Менә лагерьның, соңгы, егерме беренче көне дә җитте. Иртәнге аштан соң, укучылар лагерьның ябылу тантанасына әзерләнделәр, “Сау бул, Лагерь!» концерт программасында катнаштылар, әлеге темага рәсемнәр ясадылар. Шулай ук “Наркотикларсыз тормыш” акциясе  кысаларында укучылар “Без сәламәт яшәү рәвешен сайлыйбыз!” девизы астында рәсем конкурсында катнаштылар. Төшке аштан соң, лагерьга йөргән укучылар белән үткән көннәрне искә төшердек, йомгак ясадык.

Лагерьның егерменче көне чишмәләргә багышланды. Иртәнге аштан соң, укучылар белән авылыбыздагы чишмәләр буйлап сәяхәт иттек, тирә-якларын җыештырдык, чүптән арындырдык. Аннан кайткач, “Безнең чишмәләр” темасына рәсем конкурсы оештырылды. . Шулай ук “Наркотикларсыз тормыш айлыгы” кысаларында укучылар ике отрядка бүленеп “Күңелле стартлар” һәм пионербол уйнадылар. “Алые паруса” отряды җиңүче булды.

Лагерьның унтугызынчы көнендә укучылар Советлар Союзы Герое Зәки Хабибуллин нигезендә булдылар, “Хәтер көне” дип исемләнгән чарада катнаштылар. Шулай ук “Наркотикларсыз тормыш айлыгы” кысаларында Курсабаш авыл фельдшеры Нафикова Р.И укучылар белән әңгәмә  үткәрде.  Көндезге аштан соң, үз куллары белән ясаган чәчәкләрне һәйкәлләргә салдылар, сугышта ятып калганнарны бер минут тынлык белән искә алдылар.

Лагерьның унсигезенче көне иртәнге оештыру эшләре белән башланды. Иртәнге аш ашагач, укучылар Курсабаш мәдиният йорты хезмәктәрләре белән очраштылар, экологик темага видеоролик карадылар, туган җиргә, туган илгә багышланган шигырь конкурсы да үтте. Шулай ук “Наркотикларсыз тормыш айлыгы” кысаларында укучылар белән “Без сәламәт яшәү рәвешен сайлыйбыз” дигән темага әңгәмә үткәрелде. Төшке аштан соң, без экологик акциягә чыктык.

Лагерьның унҗиденче көнендә укучылар Лесхоз бистәсенә экскурсиягә бардылар. “Нарат” боз сараенда тимераякта шудылар, үзләрен физик яктан чыныктырдылар. Ә аннан соң балаларны “Урман” музее каршы алды. Әлеге экскурсия укучылар өчен бик кызыклы һәм файдалы мәгълүматларга бай булды. Аннан кайткач, саф һавада уеннар уйнадылар.

Лагерьның уналтынчы көнендә иң оста балык тотучыны ачыкладык. Ә төшке аштан соң, балалар “Алтын балык” аппликацияләр конкурсында актив катнаштылар. Көн күңелле үтте.

Лагерьның унбишенче көне Экология атналыгын башлап җибәрде. Укучылар “Туган ягым экологиясе” нә фоторепортаж ясадылар. “Матурлыкны саклыйк” чәчәкләр панносы ясадылар. Төшке аштан соң, саф һавада хәрәкәтле уеннар уйнадылар.

Лагерьның ундүртенче көнендә укучылар Өчиле авылы клубына экскурсия ясадылар. Клубта төрле-төрле уеннар уйнадылар, Өчиле авылы белән дә таныштылар.  Төшке аш ашап, ял итеп алгач, укучылар саф һавада хәрәкәтле уеннар белән көнне йомгакладылар.

Бүгенге көн, көндәгечә, оештыру эшләреннән башланып китте. Иртәнге аштан соң, укучылар белән “Табышмаклар иленә” сәяхәт иттек, табышмактан белгән һәм башка хайваннар белән якынанырак танышу максатыннан, видеофрагментлар карадык. Укучыларга “җәнлекләр дөняьсында” бик ошады.  

Лагерьның уникенче көнендә укучылар Байлар Сабасына экскурсиягә бардылар. Сәләтле балалар мәктәбе базасында урнашкан психологик үзәктә булдылар: әңгәмәдә катнаштылар, тренинглар үттеләр, ял булмәсендә ял иттеләр Балалар өчен бик кызыклы һәм мавыктыргыч булды. Аннан кайткач, саф һавада уеннар уйнадылар.