Бакча яңалыклары.

   Илебез буенча октябрь башында  “Өлкәннәр көне”уздырыла.   Бу уңайдан бездә бакчабызга йөрүче балаларның әби бабайларын «Тормышыбыз бизәге сез-өлкәннәр!» дип аталган бәйрәм кичәсенә чакырдык. Бәйрәмгә дип, барлык бакчага йөрүче балаларның да әби-бабайлары килгән иде. Шулай ук бакчабызда озак еллар эшләп чыгып, хәзер лаеклы ялда булучы  хезмәттәшләр дә килде.

      Бәйрәм бик күңелле үтте. Бакчада эшләүче тәрбиячеләр-Губайдуллина Фарида Илдусовна,Шаманова Алфинур Котдусовна, Галимуллина Венера Имелевна, музыка  җитәкчесе Сафина Гүзәл Ракиповна һәм балалар көче белән әзерләнгән бәйрәм концертын карарга дип музыка залына җыелдык. Бәйрәмне бакчабызның мөдире Ахунова Гөлзилә Масхутовна тәбрикләү сүзләре белән башлап җибәрде. Балалар үз әби-бабалары турында матур-матур  шигырьләр сөйләделәр, биюләр биеделәр, әбиләренә”Әбием” җырын,бабайларына “Иң шәп бабай син генә” дип аталган җырлар җырладылар. Концерт бик матур һәм күңелле булды. Кичәнең икенче өлеше өлкәннәр белән уеннар оештыру иде. Алар яшь чакларында уйнап үскән уеннарын бик теләп уйнадылар һәм үзләренең яшь чакларын исләренә төшерделәр. Аннан кызыклы хәлләрен исләренә төшереп бергәләп көлештеләр. Музыка җитәкчесе Гүзәл Ракиповна өлкәннәребезне оныклары белән бергәләп татарча биетте.

     Иң күңеллесе бергәләп өстәл артында чәй эчү булды. Бәйрәмебез өлкәннәребезгә бик ошаган иде. Аларның күңелләре булганы йөзләренең балкып торганыннан күренеп тора иде. Бакча хезмәткәрләренә рәхмәтләр әйтеп, алга табада ходай сабырлыкларын биреп балалар белән исән-сау эшләүләребезне теләп, саубуллашып өйләренә таралыштылар.