Бу атнада балаларның үз сәламәтлекләренә карата  сак караш тәрбияләү , сәламәт яшәү рәвешенә омтылыш булдыру өчен әңгәмәләр үткәрелде,уеннар оештырылды. Балалар сәламәтлекне саклауда табигатьнең һәм чыныгу чараларының әһәмияте зур икәнен дә аңладылар. 

Бу атнада балалар ял итү урыннары,анда үз-үзеңне тоту кагыйдәләре белән таныштылар.Зурлар кечкенәләргә әкиятләр сәхнәләштереп күрсәттеләр.

Бу атнада балалар туган телебез, туган илебез, халкыбызның рухи хәзинәләре турында сөйләштеләр. Татар халкының рухи мирасы, күңел җәүһәрләре белән таныштылар.

Бакчабыз территориясен Яна елга бизәүдә әти-әниләребез бик актив катнашты. Комиссия тарафыннан бакчабыз кызыксындыру  бүләгенә ия булды.

Бу атнаның максаты:балаларда кыргый хайваннарга, кошларга карата кызыксыну һәм сакчыл караш тәрбияләү,тышкы билгеләренә (зурлыгы, үз-үзләрен тотышларына, тавышларына) карап, кыргый һәм йорт хайваннарын аерып күрсәтә белү күнекмәләрен үстерү.җәнлекләрнең, кошларның кышка ничек җайлашуы турындагы белемнәрне арттыру; кышкы салкын көннәрнең кошлар, хайваннар, кешеләр өчен иң авыр вакыт булуын ачыклау иде.Балалар белән кошларга җимлекләр элдек.Рахматуллиннар,Гильмановлар, Фахриевлар,Хасановлар бакчага җимлек ясап алып килде. Аларга рәхмәтебезне җиткерәбез.                                                                                          

Бу атнада балалар кыш, кар үзенчәлекләре  турында балаларның белемнәрен тирәнәйттеләр;табигатьтә ел фасыллары буенча барган үзгәрешләр турындагы белемнәрен системалаштырдылар; кышкы табигатькә хас билгеләр турындагы белемнәрне ныгыттылар.

Бүген бкчада "Аналар көне"нә багышланган күңел ачу чарасы үтте.

Бу атнада балалар хайваннарның һәм кошларның кышка ничек җайлашуы турындагы белемнәрен арттырдылар.Әвәләү шөгылендә балалар үзләренең яраткан йорт хайваннарын әвәләделәр.