Математика эшчәнлегендә геометрик фигураларны өйрәнү.

Витамин һәм микроэлементлар организмны ныгытып кына калмый, ә артык авырлык, стресс һәм психик авырулардан да саклый. Шуңа күрә җәй буе бакчадагы яшелчә, җиләк-җимеш ашап, организмны ныгытырга кирәк. Зурлар төркеме шул турыда сөйләшеп, төсле кәгазьләрдән витаминлы җиләк-җимешләрне кисеп ябыштырдылар.

Бүген бакчабызда тәрбиячеләрнең район күләм семинары булды. Биш авылдан килгән тәрбиячеләр белән тәҗрибә уртаклаштык. Кечкенәләр төркеме балалары кунакларга кар белән тәҗрибәләр үткәреп, нәтиҗәләр ясадылар. Тәрбияви кагыйдәләрне дә өйрәнделәр.

Зурлар төркемендә математик күаллауны формалаштыру буенча балалар квест уен уйнадылар. Сигез тукталыштан торган, үз эченә бик күп сораулар, биремнәр алган уен булды ул. Балалар бик мавыгып барлык биремнәрне дә башкарып бардылар, белемнәрен төрле яклап күрсәттеләр.

«Без милли телләр һәм мәдәниятләр үсеше өчен шартлар тудырырга тиеш. Рус, чуваш, удмурт, мордва, марилар һәм башкалар. Бу мәсьәләгә зур игътибар биреп, киләсе елны Туган телләр һәм халыклар бердәмлеге елы дип игълан итәргә тәкъдим итәм», — диде Татарстан республикасы Президенты Рөстәм Миңнеханов. Шул уңайдан оештырылган #декадародныхязыковРТ хештегында бакчабызның 45 баласы һәм 3 педагогы флешмоб белән катнашты.

Балалар урамда төрле уеннар да уйныйлар, кыска чаңгылар белән шуарга да тырышалар: егылалар да, тагын торалар, егылалар да, тагын шуалар. Куңелле дә соң кыш көне урамда!!!

Кыш ае салкын булса да,

Бирешмибез без аңа.

Салкыннарны куа-куа,

Шуабыз чаңгы, чана!

Кечкенәләр төркеменә йөрүче балалар бүген тәңрибә ясап, туфракка суган утырттылар. Алга таба карап, күзәтеп торачаклар.

Сандыкта халкыбызның буыннан-буынга тапшырылган күңел байлыгы саклана.Анда чиккән сөлгеләр, ашъяулык, калфак, түбәтәйләр, күлмәк, җәймә, кулъяулыклар, матур бизәкле читекләр саклана. Зурлар төркеменә йөрүче балалар серле сандыкта ниләр барлыгын барладылар бүген. Һәр әйбергә аңлатма биреп, чигелгән бизәкләрен күреп, сокландылар. 

Хәтерләүдән курыкмагыз сез!

Үткәнегезне онытмагыз сез.

Белегез сез ерак бабаларның,

Ничек итеп көн иткәнен..

Ни иккәнен,ни чиккәнен,

Нинди җырлар,нинди моңнар

Безгә калдырып киткәнен.

Әбиемнең күңел сандыгы!

Нинди серләр саклый икән ул?

Гомер буе җыйган хәзинәме,

әллә инде күңел бизәгеме,

Нинди серләр саклый икән ул?

Әбиемнең күңел сандыгын

Бер ачасы иде, ачасы...

Әби-бабам белгән йолаларны,

Халкыбызның күңел җәүһәрләрен

Бер ачасы иде,ачасы.

Әбиемнең күңел сандыгы

Кызыктыра инде күптәннән.

Ач, әбием, безгә күңелеңне,

Яшь буынга мирас булып калсын,

Бер хәзинә калсын үткәннән.