Бүген, Эзмә мәдәният йортында мәктәбебез укучылары катнашында "Җырлы, моңлы балачак" дип исемләнгән дәрестән тыш эшчәнлек буенча иҗат-отчет концерты оештырылды. Чара "Радуга" бию коллективы чыгышы белән башланып китте. Аннары мәктәбебезнең күп кенә район һәм республика конкурс-фестивальләрендә призлы урыннар яулаган "Балачак" театр коллективының В. Галиеваның "Саубуллашу" әсәре буенча куелган спектакль белән дәвам итте. Концертта шулай мәктәпнең иң сәләтле җырчылары, бию коллективлары, нәфис сүз осталары чыгыш ясады.
Шушы күңелле ял кичен оештыручы педагог-организаторыбыз Нәфисә Солтанәхмәтовнага, музыка һәм хореография укытучылары Чулпан Амировнага һәм Дилбәр Шамилевнага зур рәхмәт.