13 июнь көнне​ "Дуслык" ял һәм сәламәтләндерү лагеренә йөрүче балалар Саба район китапханәсендә кунакта булдылар. Анда Татарстанда Милли мәдәниятләр һәм гореф-гадәтләр елы уңаеннан “Мин кулыма китап алам” дип исемләнгән әдәби-интеллектуаль уен үткәрде. Уен 5 өлештән: “Тел-милләт бизәге”, “Тапкырларга табышмак” , “Төрле милләт киемнәрен таныйсыңмы”,​ “Татар халкының милли уеннары” һәм “Әбиемнең серле сандыгы” нан торды. Укучылар сынатмадылар, актив җавап биреп үз белемнәрен, осталыкларын күрсәттеләр. Чара балалар уз куллары белән беләзек ясау мастер-классы белән тәмамланды.

"Дуслык" ял һәм сәламәтләндерү лагеренең 9нчы көне

"Дуслык" ял һәм сәламәтләндерү лагеренең 8нче көне.
Бүген балалар әйдаманнар җитәкчелегендә Эзмә мәктәбендә укытып хәзерге вакытта лаеклы ялдагы өлкән буын укытучыларыбызда кунакта булдылар. Балалар үзләренең сәләтләрен күрсәттеләр, җырлар-шигырьләр, үзләре ясаган открыткалар бүләк иттеләр. Әлеге очрашу укытучыларыбызның һәм балаларның күңелләрендә якты хатирә булып истә калыр.

"Дуслык" ял һәм сәламәтләндерү лагеренең 7нче көне.Балалар группаларга бүленеп төрле түгәрәуләрдә шөгелләнделәр.Химия фәненә кызыксыну уяту максатыннан "Химик Бум"дип аталган экспериментлар ясау буенча мастер касста катнаштылар.Робототехникага багышланган чара да балалар күңеленә хуш килде

"Дуслык" ял һәм сәламәтләндерү лагеренең 6нчы көне. Бүген лагерьда РУС ТЕЛЕ көне. Күп кенә чаралар бөек рус язучысы А. С. Пушкинга багышланган иде. Балалар командаларга бүленеп Пушкин иҗаты буенча төзелгән интерактив күңел ачу чарасында һәм Пушкин әкиятләре геройлары парадында катнаштылар. Отрядларда "Любимые герои сказок А. С. Пушкина" дип аталган коллажлао ясадылар. Тәмле төшке аштан соң саф һавада китаплар укыдылар, уеннар уйнадылар.

"Дуслык" ял һәм сәламәтләндерү лагеренең 5нче көне. Иртәнге аштан соң балалар Эзмә җирлегендә урнашкан тарихи Калатауга сәяхәт кылдылар.

"Дуслык" ял һәм сәламәтләндерү лагеренең 3нче көне.
Бүген бездә зур бәйрәм, "Дуслык" ял һәм сәламәтләндерү мәктәп яны лагере ачылышы булып узды. Әлеге чарада балаларыбыз бик актив катнаштылар. Төшке аштан соң саф һавада спорт белән шөгелләндек, уеннар уйнадык.

"Дуслык" ял һәм сәламәтләндерү лагеренең 2нче көне.
*Сәләмәтлек диагностикасы, Эзмә ФАПында кунакта.
*Туризм түгәрәге
*"Коррпуциягә юк!" плакатлар конкурсы
*Робототехника түгәрәге
*Эзмә мәдәният йортына экскурсия