Мәктәбебездә ремонт эшләре барганлыктан, бу уку елында укучыларның җәйге ялларын оештыру мөмкинлеге булмады. Тик шулай булса да, укучыларыбыз спорт лагерьларында, районыбызның “Кояшкай” лагеренда бик теләп ял итәләр. “Кояшкай”ның бу сменасы сәләтле балалар өчен оештырылып, рус теле,  математика, инглиз теле, тарих һәм җәмгыять белеме юнәлешендә алып барыла. Мәктәбебездән өч укучы – Минкәбиров Айзат, Габдрахманова Ләйсән һәм Галимҗанов Ризатлар лагерьга бик теләп, белемнәрен арттырырга һәм яңа дуслар табасыларына ышанып киттеләр. Күңелле яллар сезгә, укучылар!

Ә II сыйныф укучысы Габдрахманов Ильназ, спорттан башка тормышын күз алдына да китерми. Бүгенге көндә ул “Нарат” боз сарае каршында хоккейчылар өчен оештырылган спорт лагеренда ял итә. Ильназ укуда да, спортта да сынатмый, бик тырыш. Кечкенә генә булса да, аның уңышлары инде шактый. Киләчәктә дә зур уңышлар сиңа, Ильназ!