12 -15 нче май көннәрендә "Костер" балаларны сәламәтләндерү һәм тәрбия бирү лагеренда "Инициатива - 2016" фестивале узды. Анда Саба районыннан Явлаштау урта мәктәбенең 10 нчы сыйныф укучысы Габделхакова Айгөл балалар район Думасы спикеры буларак катнашты. Фестиваль кысаларында "Иң шәп әйдаман", "Актив года", "Я - гражданин России" конкурсларының финал этабы үтте. Әлеге бәйгедә үз районнарында уңышлы чыгыш ясап, призлы урыннарга лаек булган укучылар көч сынашты. 13 нче май көнне "Иң шәп әйдаман" конкурсы финалистлары Татарстан Варислар Берлеге активистлары өчен төрледән - төрле кызыклы һәм файдалы квестлар, мастер - класслар үткәрде. 14 нче май көнне 2016-2017 нче уку елында тормышка ашырылачак проектлар белән таныштыру максатыннан, Татарстан Республикасының фән һәм мәгариф министрлыгы вәкиле Лариса Олеговна Сулима белән берлектә эшлекле очрашу булып узды. Фестиваль активистлар өчен генә түгел, ә аларны озатып килгән укытучылар өчен дә файдалы һәм мавыктыргыч узды.

А.А.Габделхакова.