Балалар бүген бакчага барсыда чәчәк бәйләмнәре белән килгәннәр иде. Яңа уку  елы хәерле булсын! Балаларның шат авазлары гел яңгырап торсын!

20 августь көнне үткәрелгән тәрбиячеләр семинарында, тәрбиячебез Багутова Н.М һәм Мишәбаш авылы "Тюльпан"балалар  бакчасы тәрбиячесе Яруллина Э.И белән берлектә чыгыш ясадылар. Алар үз эшләрендә ЛЭПБУК  куллануларын, аны ничек ясарга, ни өчен кирәклеген мастер класс ярдәмендә аңлаттылар. Бу яңа эш алымы башка тәрбиячеләр дә зур кызыксыну уятты. 

Әле кайчан гына тырыша - тырыша утырткан идек чәчәкләребезне. Бүген алар күз явын алырлык матур булып, шау чәчәктә утыралар.

Иң купшысы мөгаен годеция чәчәгедер.

Бүләк итеп бирелгән яңа китапларны бик яратып укыйбыз.

Бүген мәктәпкә китүче балаларыбызга үзебезнең бүләкләребезне тапшырдык. Аларның  тырышып белем алуларын , гел шулай дус - тату булып, бердәм булып  калуларын теләп саубуллаштык. Ак юллар сезгә балалар!

Алда сезне озын юллар көтә

Белем алып, алга атлагыз!

Яраткан бакчагызны, балалар, 

Күңелегездә озак саклагыз!

Без, бакчабызга Габдулла Кариев исемендәге Казан Татар дәүләт яшь тамашачы театры директоры Ярмиев Мансур Зиннурович  бүләк иткән китапларны бик яратып кабул иттек.  Мансур абыйга олы рәхмәтебезне җиткерәбез, эшендә зур уңышлар теләп калабыз! Йөрсә – юллары, эшләсә эшләре һәрвакыт уң булсын!

Явлаштау һәм Мишәбаш авылларының 1 сыйныфка баручыларын Кариев театры артистлары тәбрикләде . Ярмиев Мансур Зиннурович җитәкчелегендә ел саен безнең балаларыбызны сөендереп, белем алуга рухландырып шундый зур бүләкләр тапшыралар. Шушы игелекле эшләре үзләренә изгелек булып әйләнеп кайтсын. Киләчәктә дә авырмыйча, яраткан тамашачылары күп булып, иҗат чишмәләре саекмыйча эшләүләрен теләп калабыз. Балалар бакчасына да ел саен бик күп бүләкләр белән кайтуларына да аерым рәхмәт әйтәбез. Безнең сабыйларыбызны сөендергән өчен  ходай сезнең үзегезне сөендерсен.