Атна темасына нигезләнеп,бүген уртанчылар төркеме балалары яңа һөнәрләр белән таныштылар. Үзләредә һөнәр ияләре булып уйнадылар.

Кыш килде, салкын урамда.

Ә без куркып тормыйбыз.

Тәгәрәтеп ак карны .

Ясадык күп сыннарны.

Зурлар төркеме балалары карны әвәләп бик күп түгәрәкләр ясадылар.

Саф һавада уеннар уйнау балаларның физик сыйфатларын үстерүдә ярдәм итә. Алар җитез һәм чыдам булырга өйрәнәләр.

    Бу атнаның темасы “ Ак ефәктән кыш килде” . Шул уңайдан йомгаклау чарасы буларак, балалар өчен “Без суыктан курыкмыйбыз” дигән исем астында спорт уеннары үткәрелде. Балалар төрле спорт ярышларында катнашып үзара көч сынаштылар.  Хәрәкәтле уеннар һәм күңел ачу кышын, ачык һавада, балаларга зур шатлык  һәм аларның сәламәтлегенә бәяләп бетергесез файда китерә.

Ап ак булып кыш килде. Кыш көне уйнарга бик күңелле.. Кыш көне уеннарның ниндиен генә уйнамыйсың! Зурлар төркеме балалары да саф һавага чыккач “Гори, гори ясно” уенын бик яратып уйныйлар.

Бүген уртанчы төркеме балалары дымка бизәкләре кулланып уенчык үрдәк әвәләделәр. Башта Ләйсән Равилевна дымка бизәкләренең чыгышы белән таныштырды, үрнәк ясап күрсәтте. Балалар бик тырышып әвәләделәр.

30 нчы ноябрь көнне Мәдәният йортында бакчабыз хезмәткәрләре, балалар, әти - әниләр катнашында хөрмәтле әниләребезгә багышланган зур концерт узды. 

Зурлар төркемендә иртәнге гимнастика бик кызыклы, мавыктыргыч формалар кулланып алып барыла. Кайбер көнне балалар иртәнге гимнастиканы үзләре үткәрәләр. Мондый формада үткәрүне балалар бик яраталар.  Алар бик теләп музыка астында төрле күнегүләр эшлиләр. Иртәнге комплекслы сәламәтләндерү күнегүләре балаларның кәефләрен генә күтәреп калмый, аларны рухи яктан да үстерә һәм дустанә мөнәсәбәтләр тудыра. 

2 нче кечкенәләр төркеме балалары, атналык тема кысаларында танып белү шөгылендә "Йорт хайваннары һәм кыргый хайваннар" белән танышуны дәвам иттеләр. Аларның тышкы билгеләре һәм файдалары турында белем алдылар. Жәнлекләргә карата кызыксыну һәм сакчыл караш тәрбияләнде.