...мәктәбенә укырга җибәрә. Бу вакытта кызга 7 яшь кенә булса да, мөстәкыйл тормышка тиз ияләнеп Дилбәр музыка дөнъясына чума, җыр, көй нечкәлекләрен өйрәнә, уен коралларында уйный башлый. Кечкенәдән белеп үскәнгәме тормышы аның гел шушы иҗат белән бәйле була. Яшьлеге Казанда шәһәрендә үтә. Тормыш  шундый инде ул сине төрле яклап сыный. Дилбәр Фатыйховна бик кызыксынучан һәм тырыш булганлыктан пешекче һөнәрен  үзләштереп 5 разрядлы пешекче була, башкалабызның танылган ашханәләренең берсендә  эшли. Буа шәһәрендә мәдәният йортында художество җитәкчесе булып эшли. Саба якларына исә ул Туктар егете Рашат Мустафин белән танышкач кайта. Тыныч-тату гаиләдә ике кыз һәм бер ул үстерәләр, балалары  үзләренә охшап, тырыш, эш сөючән, иҗади булып үсәләр. Яшәү дәверендә Дилбәр Фатыйховна  1991 елда Саба “Шатлык” балалар бакчасына тәрбияче ярдәмесе булып эшкә урнаша, читтән торып тәрбиячелеккә укырга керә, 1993 елдан бирле музыка җитәкчесе булып эшли. Үзенең эшен яратып, иҗади якын килеп эшли Дилбәр Фатыйховна.  Аның җитәкчелендә башлангыч музыкаль белем алган балалар район конурсларда катнашып призлы урыннарга лаек булалар. Ә кайберләре музыка мәктәбендә белемнәрен дәвам итеп югары уку йортларына керүгә ирешәләр.

Хөрмәтле коллегабыз Дилбәр Фатыйховна! Сезгә иң изге теләкләребезне юллыйбыз. Гөмерегез буе тырышып, ирне-ир итеп, хезмәтегездә  яхшы белгеч булып, балаларыгызга иң кирәкле ярдәмче булып яшисез, моның өчен Сезгә Раббыбыз чиксез рәхмәтләрен матур киләчәк белән кайтарсын. Сәламәтлегегез бүгенгедәй нык, гаиләгез тату, тигез, тулы булсын, якыннарыгызның борчу-хәсрәтләрен күрмичә, иң кадерле кеше булып яшәгез.

Бәхетле булыгыз! Һәрвакыт шулай тату дус булып, матур яшик. Сез булганда күңелләребез рухлана, борчу-мәшәкатьләр онытыла. Авыртмагыз, балаларыгызның игелеген күреп рәхәт яшәгез.

Иң изге теләкләр белән “Шатлык” балалар бакчасы коллективы.