Балаларның кошлар турында белемнәрен баету; тышкы билгеләренә карап сыерчык,карга һ.б. кошларны танырга, исемнәрен әйтергә өйрәтү, кешеләрнең алар турында ничек кайгыртуын күзалллый белүне формалаштыру; балаларның күзәтүчәнлекләрен, кызыксынучанлыкларын, чагыштыра белү күнекмәләрен, тасвирлый белү сәләтен үстерү; кошларга карата сак караш, мәрхәмәтлелек, кайгыртучанлык сыйфатлары тәрбияләү максатыннан 14-18 март көннәрендә "Кошлар - безнең канатлы дуслар" атналыгы үткәрелә. Балалар белән кошларны күзәтү, "Канатлы-дуслар" темасына презентация карау, рәсемләү, әвәләү, кисеп-ябыштыру эшчәнлекләрендә "Яз алып килүчеләр...", "Күчмә кошлар", "Кышлаучы кошлар" темалары алынды. Зурлар төркеме балалары тәрбияче Каюмова Венера Әгълиевна белән берлектә "Безнең якын дуслар" темасына рәсемләүдә безнең якта кышлаучы кошларны ясадылар.