Песи, песи пес итәр,

Ана песи сөт эчәр, ана песи сөт эчкәндә

Ата песи күз кысар,

Ал дигәндә алмасаң, лап итә дә шап итәр.

Уйнаучылар кулларын яшерергә тиешләр. 

ак куянкай утыра, колагын селкеп тора, менә шулай, менә шулай колагын селкеп тора... 

Татар халык уены-"Без,без, без идек". Уенчылар түгәрәкләнеп басып баш бармакларын күтәреп түбәндәге сүзләрне әйтәләр: 

Без. без без идек, без 12 кыз идек, базга төштек май ашадык, келәткә кердек бал ашадык, кап та коп, Якуп, авызыңны ач та яп. Уенчылар авызларын йомалар, алып баручы балаларны көлдерергә, сөйләштерергә тырыша. кем беренче көлә яки сөйләшә, шул уеннан чыга.

Яратып уйналучы уеныбыз-"Чума үрдәк, чума каз" . Җырлы уеннар ярдәмендә оялчан, үз эченә бикләнгән балаларны да уятырга мөмкин.Уен кагыйдәләренә буйсыну балаларда чыдамлылык, ихтияр көче, сабырлык тәрбияли.күмәк җырлар башкару балаларны шәхес буларак үстерә. камилләштерә.

Бала тормышын музыкальуеннарсыз күз алдына да китереп булмый. Халкыбызның гореф-гадәтләре, йолалары, көн-күреше чагылдырылган бу уеннар балаларда өлгерлек, тапкырлык, ярдәмләшү, кешелеклелек, сабырлык кебек күркәм сыйфатларны тәрбияли. Бакчабызда яратып уйнала торган уеннарның берсе-"Ак калач" уены..Бу уен аша балаларның сүз байлыгы камилләшә, хәтерләре, игьтибарлары яхшыра, җырлау-бию сәләтләре үсә, туган телгә мәхәббәт тәрбияләнә.

Чишмә буйларында, тау битләрендә балалар элек - электән йомырка тәгәрәтү уенын уйнаганнар. Без дә балалар белән тау битендә шушы уенны уйнадык. 

Һәр уенның үз тәртибе, башта такмак әйтәбез. Кемнең йомыркасы ераграк тәгәри, шул җиңүче була.

Татар халкының милли ризыклары белән Сабантуе бәйрәмендә кунаклар каршыладык. Кош теле, гөбәдия, коймак, бәлеш - һәркемнең яраткан ризыгы. 

Халкыбызның милли бәйрәме Сабантуе бәйрәменә бирнә җыйдык. Балалар борынгыдан сакланып килүче йолаларны, җыр һәм биюләрне ел саен искә төшереп, буыннан буынга күчереп баралар.