Әвәләү эшчәнлегендә көзнең билгеләрен, җиләк -җимешләре, агачлар ярдәмендә яссылыкка сылау ысулы белән көз фоторамасын ясадык.

Мәктәпкә әзерлек төркем белән математика эшчәнлегендә дәфтәрдә ориентлашырга өйрәнүне дәвам иттек. Өс, ас, сул, уң як почмакларны кабатладык.

Рәсем эшчәнлегендә балалар белән безнең җирлегебездә төрле милләт вәкилләре яшәүләрен искә алдык һәм рәсемгә татар, рус кызларын ясадык.

Бүген кисеп ябыштыру эшчәнлегендә балалар белән кошлар турында табышмаклар чиштек, аларның тавышларын тыңладык  һәм балаларга охшаган кошны кисеп ябыштырдык.

Әти-әниләр һәм балалар өйләрендә тырышып үстергән  яшелчәләр, җиләк-җимешләр кулланып күргәзмә өчен бик көп төрле әйберләр ясап алып килделәр . "Миләшкәй" балалар бакчасы коллективы әти-әниләрнең тырышлыгы өчен зур рәхмәтен белдерә. Алга таба да шулай актив булып калуыгызны телибез!

Бүген Руфинәнең туган көне. Аңа 6 яшь тулды. Руфинә! Сине чын күңелебездән туган көнең белән котлыйбыз! Сау-сәламәт булып, тигез, матур тормышта яшәведне телибез! Руфинәне туган көне белән котлап дуслары җырлар җырладылар һәм теләкләр теләделәр.

Бу  атнада ""Яхшылык атналыгы" уңаеннан мәктәп укучылары балаларга күп төрле уечыклар алып керделәр. Балалар бүләкләр өчен бик куандылар һәм шатландылар. Мәктәп коллективына һәм барлык укучыларга, әти-әниләренә  сабыйларны уенчыклар белән сөендергәннәре  өчен коллектив исеменнән зур рәхмәт әйтәбез.

Бүген балалар бәйрәм уңаеннан бакчадагы эшләүче бар апаларын бәйрәм белән котладылар, үзләреннән чәчәк бәйләме бүләк иттеләр.

Математика эшчәнлегендә яфраклар ярдәмендә  6 санының ничә берәмлектән торганын өйрәндек. Каен, миләш, юкә, өрәңге, шомырт агачларының яфракларын аеруны ныгыттык. 

Бүген рәсем эшчәнлегендә казлар - аккошлар ясарга өйрәндек әкиятне искә төшнрдек.