Балалар белән буяу алыш уенын уйнадык. 

Комда ялан тәпи йөреп чыныгабыз.

Балаларга экологик тәрбия бирү уңаеннан Мишә елгасына экскурсиягә бардык.

Спорт мәйданчыгында көн саен диярлек күнегүләр ясарга яратабыз. 

Балалар белән күп вакында уенга багышлыйбыз. Бүген дә "Музыкаль туп" уенын уйнадык.

Бакчабыздан мәктәпкә әзерлек төркемен озатуга бакчабыз бушап калган сымак тоелды. Әмма безнең ккиләчәгебез кечкенәләр калды. Менә бүген без алар белән музыка эшчәнлегендә "Куш кулым"  җырын кабатладык һәм музыкаль ритмик хәрәкәтләр вакытында уенчыклар белән бию өйрәндек. 

Бүген бакчабызда чыгарылыш кичәсе булды. Бәйрәмебез шушы сүзләр белән ачылып җибәрелде. Йөрәк түрендә җуелмас эз калдырган иң якты хәтирәләр кеше тормышының кайсы чорында күбрәк очрый икән? Мөган, чыклы үләннәрдә яланаяк йөргән, әти-әни белән җитәкләшеп бакчага килгән гамьсез, кайгы борчуларсыз балачактадыр. Менә безнең балалар өчен дә дулкынландыргыч та, шатлыклы да һәм моңсу да бәйрәм көнебез килеп җитте. Моңсу, чөнки күптәннән көткән, әмма безнең өчен бик тиз килеп җиткән көн бу. Бәхетле, үзенең гаилә бәйрәмнәре, әти-әнинең уртасында, аның бармакларына тотынып, адымнарына өлгерергә тырышып йөгергән, әкияттәге тормышны чынбарлык итеп кабул иткән чиста балачак белән саубуллашу көне.

Шатлыклар күңелебездә,

Ал кояш күгебездә.

Рәхәтләнеп бәйрәм итик,

Чыгарылыш кичәсендә.

Дусларым, бүген безнең                     

Олы бәйрәм көнебез,                     

Бүген инде бу бакчага                    

Соңгы кабат килдек без.

Дус яшәдек барыбыз да

Туганнар күк бу йортта.

Сау бул сөекле бакчабыз,

Мәктәп, безне каршыла.

Эшчәнлек вакытында ял итергә дә онытмыйбыз.