Эшчәнлек вакытында уеннар ярдәмендә светофор утларын үзләштерәбез.

Рәсем эшчәнлегендә шәһәр макеты белән танышып рәсемгә шәһәр урамнарын ясадык.

Балалар белән кырау кайсы вакытта булуын күзәттек. Һәм көзнең соңгы ае икәнен искә төшердек. 

Атна дәвамында "Минем гаиләм.Йорт җиһазлары" темасы буенча эш алып бардык. Һәм  бабайларга  бүләккә түбәтәй бизәдек.

Рус теле эшчәнлегендә балалар кунакка килгән куянкайны яшелчәләр белән сыйладылар.Һәр яшелчәнең русча атамасын һәм төсен үзләштерделәр.

4 ноябрь – Бердәмлек көне. “Бердәмлек “ төшенчәсе туплану, берләштерү мәгънәсенә ия. Элек – электән  безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән.Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Бүгенге эшчэнлегебездә бердәмлек көненә һәм 6 -  ноябрь Татарстан Конституция көненә багышлана.

Рәсәй минем туган илемдә. Бердәм тату яшибез без. Балалар белән "4 ноябрь -  бердәмлек көне" уңаеннан  Рәсәй иленең әләмен, туграсын яңадан бер кат искә төшереп төзедек һәм әләмне рәсемгә төшердек. 

Татар халык бизәкләрен кулланып татар милли киеме алъяпкыч һәм читек бизибез. 

Математика эшчәнлегендә агачларның яфраклары ярдәмендә 5 санының составын өйрәндек.