Бүген безнең балалар бакчасы балалары кунакка килгән  Ильнур Дамирович һәм Гүзәл Назиповна белән очраштылар. Балалар кунакларыбызга "Юл билгеләрен төркемлә", табышмаклар   ярдәмендә юл билгеләренең исемнәрен әйт, "Светофор" җыры белән үзләренең юл йөрү кагыйдәләрен белүләрен күрсәттеләр.  Һәм Илнур Дамирович балаларга юлларда сак булырга , махсус креслоларга утырып йөрергә , юл йөрү кагыйдәләр бозмаска киңәш итте. Балалар Ильнур абыйларын игьтибар белән тыңладылар. Килгән кунакларыбыз балаларга бүләкләр дә өләште.

Бу атнабызны "Спорт -сәламәтлек чыганагы" темасы белән башлап җибәрдек. Һәм сөйләм үстерү эшчәнлегендә балалар белән "Спорт мәйданчыгында" рәсеме буенча хикәя төзедек. Балалар спорт белән шөгыльләнсәң генә сау-сәламәт булуыңны, бервакытта да авырмаганыңны, сәламәт кеше бар нәрсәгә дә өлгер булуына төшенделәр.

Рәсем шөгылендә пиктограммалар ярдәмендә балалар төрле спорт төрләре белән таныштылар  Һәм үзләренә охшаганнарын рәсемгә төшерделәр.

Рус теле шөгылендә "Яз" темасына сөйләшүне дәвам иттек һәм  балалар белән  кышлаучы кошлар арасыннан күчмә кошларны аер дигән, уен аша кошларны яңадан бер кабат искә алдык.

Атналыкны тәмамлап балалар арасында "Иң матур сыерчык оясы" дигән бәйге оештырылды.  Балалар арасыннан Гайнетдинов Риаз, Ибрагимов Рөстәмнең сыерчык оялары иң матуры, дип нәтиҗә ясалды. Сыерчык оясын ясаган вакытта бабайларына малайлар да булышкан. Сыерчыкларны яңадан бер кат сөендерик эле.

Сыерчыкның яңа өе (Я. Игәнәй)

Җылы  яклардан

И туган илне

Сагындым диде.

Аннан сайрады

Үзе чыгарган

“Сагыну" дигән

Яңа бер көйне…

Бу атна дәвамында максатыбыз балалар белән кошларга карата сакчыл караш, мәрхәмәтлелек сыйфатлары тәрбияләү, күзәтүчәнлек, кызыксынучанлыкларын, чагыштыра белү күнекмәләрен үстерү, күчмә кошларны тану, аера белү өстендә эш алып бару. Һәм балалар белән рәсем шөгылендә язның беренче кошы кара карганы ясадык.

Ишетәмсең:-Кар да кар!-ди,-

Тиздән эреп бетә кар,-ди.-

Канатымда хатым бар,-ди.-

Буең җитсә,тартып ал,-ди.

Укымый да беләбез бит,

Хатында ни язылганын:

Бөтен кошлар хәбәр иткән

Матур язны сагынганын.

Балалар белән язга карата рәсем бәйгесе үткәрдек.

Көннәр аяз, күктә алсу

Нур сибеп кояш көлә.

Җиргә тама көмеш тамчы –

Сагынып көткән яз килә.

Әйтегезче,кайсы вакыт

Яздагыдан ямьлерәк?

Кыш айларын да яратам,

Әмма яз күңеллерәк.

Көннәр җылы, күктә алсу

Нур сибеп кояш көлә,

Җәйге шатлык, көзге бәхет

Яз белән бергә килә.

Кояш чык, чык, чык, чык!

Майлы ботка бирермрн.

Майлы ботка Казнда,

Тәти кашык базарда.

Әти китте базарга,

Тәти кашык алырга.

Тәти кашык -сабы алтын,

Безгә кирәкми салкын.

Кояшка карата эндәшләр  өйрәнеп әвәләү шөгылендә яссылыкта әвәләү алымын кулланып кояш ясадык. 

Бүген бездә "8 март Халыкара хатын -кызлар" бәйрәме булып узды. Балалар әниләренә карата "Энемә киенергә булышам" кебек уеннар, шигырьләр, җырлар, биюләр бүләк иттеләр. 

Бәйрәм барышында әниләрдә читтә калмадылар үзләренең булганлыкларын, уңганлыкларын уеннар аша күрсәттеләр.