Рәсем эшчәнлегендә балалар белән ак битләргә кара тушь, коктейль таякчыклары ярдәмендә өреп, кышкы урманны күзаллап ялангач агач ботаклары, куаклар ясадык.

Бүген бакчабызда әниләргә багышланган "Әнием -бердәнберем!", дип исемләнгән бәйрәм иртәсе булып узды. Балалар әниләренә багышлап җырлар, биюләр, шигырьләр сөйләделәр һәм "Өч кыз " әкиятен сәхнәләштереп күрсәттеләр.

Яраткан әниләребезгә бәйрәм бүләге итеп нәни кулларыбыз белән  чәчәкләр ясадык.

Иң зур бәхет бит ул әни булу,

Сөеп,назлап карау балаңа.

Сабыеның көләч йөзен күрү,

Иң зур шатлык бит ул анага.

Әннә,- диеп нәни кулын сузса,

Кочагыңа назлап сыенса.

Шул түгелме бәхет әни өчен,

Сабыена карап сөенсә.

Бүген Әдиләнең туган көне. Әдилә сине туган көнең белән котлап, иң изге, якты, матур теләкләребезне юллыйбыз. Кешелекле, юмарт, әти-әниеңә, туганнарыңа ярдәмчел, бәхетле һәм сәламәт, озын гомерле бала бул. Иң изге теләкләр белән дусларың һәм бакчадагы апаларың. 

Бу атна темасы юл йөрү кагыйдәләренә кагылышлы булганлыктан балалар бакчасында һәр эшчәнлектә юл йөрү кагыйдәләрен искә алабыз, транспорт төрләрен өйрәнәбез, юл билгеләрен, җәяүленең, автомобильләрнең юлларда игътибарлы, сак өйрүне искә алып үтәбез. Һәм бүгенге музыка эшчәнлегендә "Мин шофер" җырын өйрәндек Мырауҗан исемле песинең алып килгән уеннарын да уйнадык. Кечкенәләр "Светофор" уены аша светофор төсләрен аерырга өйрәнсәләр, ә зурлар төркем балалары белән светофорның сигналларын ныгыту өстендә эш алып бардык.

Бу  атнаның темасы "Юлларда иминлелек.Транспорт төрләре", дип атала. Бүген "Миләшкәй" балалар бакчасы балалары белән  транспорт төрләре белән таныштык һәм автобусның төп өлешләре, детальләре формасын, пропорциясен, урнашу тәртибен рәсем аша чагылдырдык.  Карандашны төрлечә басып, рәсемне пөхтә итеп буяу осталыгын үстерү өстендә эшләдек. Шулай ук балалар белән юл йөрү кагыйдәләрен, юл билгеләрен искә төшердек. Балалар үзләренең рәсемнәрен бәяләп  ясаган рәсемнәренә төрледән - төрле смайликлар ябыштырдылар.