Бүген балалар белән "Лунтик һәм аның дуслары" мультигы геройларын искә төшердек. Мультиктан кыска гына озекләр карадык. Абыйлы-энеле Вупсень һәм Пупсень кортларын төсле кәгазьләрдән кисеп ябыштырдык. 

Бакчабызда Клоуннар көнен билгеләп үттек. Безгә кунакка Бинго шаян килде. Ул үзенең кызыклы уеннары, күңелле бию-җырлары белән балаларны сөендерде, төсле шарлар бүләк итте.

Зурлар төркеме балалары белән су асты дөньясы белән таныштык һәм менә шундый сигезаяк ясадык. Балалар бик теләп һәм кызыксынып эшләделәр. 

Бакчабызга йөрүче балалар белән бик матур табигый беләзек ясадык. Эшне башта кулларыбызга ябыштырган скотычтан башладык. Аңа бакча янындагы иң матур үләннәр һәм чәчәкләрне ябыштырып бизәдек. Һәр баланың беләзеге үзенчәлекле булды, балаларның кулын бизәп торды. 

Зурлар төркеменә йөрүче балалар белән авыл фельдшер-акушерлык пунктына экскурсия ясадык. Авылыбыз фельшеры Рәмзия Мөхәммәтфазыловна якты йөз белән каршы алып, врач хезмәте турында сөйләде. Балаларда сәламәтленкне сакларга, организмны яшьтән чыныктырырга, дөрес тукланырга, чиста-пөхтә йөрергә омтылыш уятты.

Балаларны  үсемлекләр дөньясы белән таныштырдык. Үсемлекләр дөньясы- ул тоташ каршылыклар иле. Монда чын гигантлар да, күзгә күренмәс кәрләләр дә бар. Дөньяда артык зыянлы да, бик файдалы да үсемлекләр үсә. Кызыклы әңгәмәбезне тәмамлап, чын яфраклы агач ясадык. Балаларга бик кызыклы һәм мавыктыргыч булды.

Иртәнге гимнастика баланың иртәнге йокысыннан торганнан соң сулыш, кан йөрешен, нерв системасының тонусын нормалләштерә. Көндәлек гимнастика, икенче төрле әйткәндә, зарядка баланың физик һәм уйлау-фикерләү сәләтен үстерә. Шулай ук ата-анасыннан соң кәефсез калган баланың кәефен күтәрә,  шук булган балаларны дициплинага өйрәтә, оялчан баланы активрак булырга ярдәм итә. Без дә көнебезне, көн саен саф һавада иртәнге зарядканы куңелле музыка астында ясау белән башлыйбыз.

1 ИЮНЬ – ХАЛЫКАРА БАЛАЛАРНЫ ЯКЛАУ КӨНЕ! Җәйнең беренче көне күңелләргә җылылык, яктылык, мәрхәмәтлелек өстәүче бәйрәм – Балаларны яклау көне буларак билгеләнеп үтә. Балалар-безнең тормышыбыз чәчкәләре! Балачак – иң бәхетле һәм мәшәкатьсез вакыт ул, күңелдә җылы хисләр генә калдыра. Без һәр баланың әти-әнисе кочагында үсүен, һәр сабыйның үз бәхете белән туып, олыларның игътибарын кайгыртуын һәм мәхәббәтен тоеп яшәвен телибез.1 июнь көнне бакчабызда бик күңелле балалар Сабантуе узды. Балалар төрле ярышларда үз көчләрен сынадылар, ярышларда бик теләп катнаштылар.