"Эко Яз 2025" марафоны кысаларында бу атнада бакчабыз территориясе күмәк көч ярдәме белән җыештырылды. Балалар мәйданчыктагы чүпләрне җыештылар, көзге яфракларны себереп түгәргә ярдәм иттеләр.

Бакчабызда "Агач утырт" акциясе узды. Балалар утырту өчен яшь үсентеләр алып килделәр. Тәрбияче апалар ярдәме белән аларны утыртып , сулар сиптеләр. Утырткан үсентеләр әйбәт кенә төпләнеп, балалар зур үсеп:  "Менә бу агачларны без балалар бакчасына йөргәндә апалар белән утырткан идек бит!"-дип искә алырлар дип ышанып калабыз.

Зурлар төркемендә әйләнә-тирә дөнья белән танышу эшчәнлеге "Урман - безнең байлыгыбыз"  темасына багышланды. Балаларда игътибарлылык, әйләнә -тирә табигатькә, урманга карата сакчыллык, михербанлылык, экологик культура тәрбияләү сыйфатлары максат итеп куелды.

Беренче булып Галәмгә

Гагарин күтәрелгән,

Истәлекле булды бу көн,

Юктыр аны белмәгән.

Бакчабызда макулатура җыю акциясе уздырылды

Юл йөрү кагыйдәләрен һәрчак истә тотабыз, кабатлыйбыз, искә төшерәбез.

Бакчабызда 1 апрель -Халыкара кошлар көне уңаеннан "Кошларга ярдәм итәбез" дип исемләнгән акция уздырылды. Бакчада тәрбияләнүчеләр әти-әниләре белән берлектә сыерчык оялары ясап алып килделәр. Алардан күргәзмә оештырылды.  Ясалган ояларны урнаштырырга өлкәннәр ярдәм итте.

Бакчабызда, 27 март көнне, Халыкара театр көнен билгеләп үтелде.

Театр-туган тел сакчысы,

Әхлакый кыйммәтләр бакчасы;

Театр сүзендә магнит бар-

Чакырып тора ул барчасын.

Балаларыбыз атна дәвамында "Ут куркынычсызлыгы" турында белемнәрен ныгыттылар. Аның дошман, шул ук вакытта дус булуын ачыкладылар. Куркыныч туган очракта ничек эш итәсен искә төшерделәр. Шулай ук кисеп ябыштыру эшчәнлегендә утсүндергеч белән танышып аны  төсле кәгазьдән ясадылар.