Бүген бакчабызда ,,Сөмбелә" бәйрәме булып үтте.Балалар көз кызы Сөмбеләне каршы алдылар.Икмәк.көзге муллык турында шигырьләр сөйләделәр.Көз кызы да буш кул белән килмәгән иде.,балаларга күпереп пешкән икмәк һәм татлы күчтәнәчләр бүләк итте. 

Сөмбелә икмәк бүләк итә.

,,Көз күчтәнәчләре " атналыгын йомгаклау чарасы итеп ,,Сөмбелә" бәйрәмен үткәрдек.

Бүген 7 нче октябрь көнне бакчабызда Корбан ашы үткәрелде.Балаларыбыз бу көнне барсы да ак яулыктан һәм түбәтәйдән  бәйрәмчә киенеп килделәр. Авылыбыз абыстае Мәүҗидә әби балаларга Корбан гаете турында аңлатты, догалар укыды.Соңыннан бергәләп корбан ашы ашадылар.

Балалар белән күмәк эш.

Кабактан ясаган нәни дусларыбыз районда үткәрелгән ,,Кабак"бәйрәмендә катнашып кайттылар.

   Быелгысы уку елында 3 яңа,  нәни дусларыбыз бакчабызга йөри башладылар . Курбанов Кәрим, Зиннатов Рәзил, Марданов Исламнар безнең ,,Карлыгач” балалар бакчасын бик тиз үз иттеләр,үзләренә яңа дуслар таптылар. Өлкән балаларыбыз да аларны бик тиз генә бакча тормышына ияләнергә ярдәм иттеләр.

Бүген 26 нчы сентябрь көнне бакчабызда ,,Бу җырым Сезгә багышлана яраткан апаларым!” дигән балалар иртәсе булып үтте. Балаларыбыз тәрбияче апаларын котлап  биеделәр, җырлар җырладылар,шигырьләр сөйләделәр.

Сабый җанын аңлый белгән кеше ,

Аңлый ала безнең гозерне.

Рәхмәт апа Сезгә,барсы өчен

Сез бит бигрәк сабый күңелле.

                      Иртән-иртүк якты йөзегез  белән

                      Каршылыйсыз һәрбер баланы.

                      Сезнең шундый якты  карашыгыз .

                     Җәлеп итә үзенә баланы.

Бакчабызда тәмле ашлар пешә.

Чиста урын-җирдә йоклыйбыз.

Тәрбияче апаларыбыз бүген Сезне,

Бәйрәмегез белән котлыйбыз!

Бакчабыз җәй буе төрле-төрле матур чәчәкләргә күмелеп утырды.Көз җитү белән аларның орлыклары өлгерде. Балалар белән тирә-юнь белән танышу эшчәнлегендә чәчәк исемнәре белән таныштык.аларны бер-берләреннән аерырга өйрәндек,орлыкларын җыйдык.Балалар бу эшне бик теләп башкардылар.Өйләрендә дә әти-әниләренә  бакча эшләрендә булышачаклары турында сөйләштеләр.