10 ноября 2015 г. состоялся педсовет на тему: "Стандарты второго поколения как концептуальная основа современного образования"

Бүген безнең мәктәбебездә “Баланы мәктәпкә әзерләргә булыш!”исеме астында акция үткәрелде.Чарага спонсор – шушы авыл җирлегендәге шәхси эшмәкәр – Сибгатуллина Зилә Гиматдин кызы булды. Булачак беренче класс укучысы Фазлыева Алинә мәктәпкә әнисе Елена белән килгән иде.Зилә апасы аңа бик матур укучылар формасы, туфлилар,ак бантиклар бүләк итте. Мәктәп исеменнән Алинәгә булачак беренче укытучысы Каюмова Г.Б. уку-кирәк яраклары тутырылган ранец тапшырды. Олылар нәни кызга укуында уңышлар,сау-сәламәт бәхетле бала булып үсүен теләделәр. Матур киемнәрен киеп куйгач, Алинәбез чын укучыга әйләнде дә куйды.

Игелек яшәсен бу җирдә,

Җылы сүз кирәк һәр нәнигә.

Яхшылык үрнәге булырга

Әллә ни кирәкми әлегә.

Бәхетле,тәүфыйклы бала бул.

Хәерле юл сиңа,Алинә!

Бүген мәктәбебездә биология укытучылары Иванова А.М. һәм Хуснутдинова Л.Р. җитәкчелегендә "Бердәм экологик дәрес" акциясе булып үтте.

Онытма, туган җир бер генә, кадерләрен аның бел генә.

Дәвала аның һәр ярасын, син бит соң табигать баласы!

Табигать – туган йортыбыз. Аның байлыкларын саклау - безнең төп бурычыбыз.  

Ø  Агачларны рөхсәтсез кисмә, сындырма, дару үләннәрен тамырлары белән йолкыма! 

Ø  Төзек булмаган техника белән йөреп, чиста булмаган ягулык файдаланып һаваны зарарлы газлар белән пычратма! 

Ø  Ашламаларның теләсә нинди урында саклануына һәм туфракка кирәгеннән артык керүенә юл куйма! 

Ø  Транспорт средстволары белән болын, елга үзәннәрен, үсеп килүче урман полосаларын таптап, изеп йөрмә! 

Ø   Җир, урман байлыкларыннан балык, кош, җәнлек запасларыннан акыл белән файдалан! 

Ø  Язгы, көзге пычракларда авыл урамнарында авыр техника белән йөрүне чикләргә! 

Ø  Үзеңнең табигать белән бәйләнгәнлегеңне онытма. Ул сине ашата, эчертә, киендерә, сәламәтлегеңне саклый!

Ø   Үзеңнең кылган эшләрең өчен хәзер дә, киләчәк буыннар алдында да җаваплы икәнлегеңне тоеп яшә!