23 февраль - Ватанны саклаучылар бәйрәменә багышлап " Туган якка солдат сәламе " дигән әдәби - музыкаль кичә узды. Кичә 11 класс  укучылары, класс җитәкчеләре Гильмутдинов И.Р. һәм Салахова А.Ф. җитәкчелегендә  оештырылган иде.

1 сыйныф укучылары беренче җиңүләрен - элифба бәйрәмен бәйрәм иттеләр.

Хәрби - патриотик айлык кысаларында 10 класс укучылары, ТИН укытучысы Набиуллин Н.А. җитәкчелегендә, сугыштан кайтмый калган авылдашларыбыз истәлегенә куелган һәйкәлне кардан чистартып кайттылар.

Район күләмендә уздырылган шахмат бәйгесендә безнең мәктәп укучылары да катнашып, көч сынашып кайттылар.

Районыбызда “Иң шәп вожатый -2019” бәйгесе булды. Анда мәктәбебезнең 8 нче сыйныф укучысы Сибгатуллина Г. катнашты.  Ул бәйгенең барлык этапларында да яхшы гына чыгыш ясап, югары баллар җыйды. Һәм бәйгенең “Иң ягымлы әйдаманы» исеменә лаек булды. Гөлсәриягә алга таба да уңышлар теләп калабыз. Син булдырасың, әфәрин!

13 нче  февраль көнне мәктәбебездә  хәрби-патриотик айлык кысаларында, ТИН укытучысы Набиуллин Н.А. җитәкчелегендә  “Аҗаган - 2019” уены булып үтте. Уенда дүрт хәрби төркем:  Десантчылар, Ялкын, Моряклар,  Танкистлар катнашты. Әлеге уенның максаты:  урта  сыйныф укучыларында патриотик хисләр, Ватанны саклаучыларга карата мәхәббәт һәм ихтирам хисләре тәрбияләү. Уен “Ватанга хезмәт итүче көчле һәм батыр булырга тиеш!” дигән девиз астында узды.Уен программасында  хәрби-тарихи викторина , тормыш куркынычсызлыгы нигезләре буенча сораулар, хәрби-патриотик җырлар бәйгеләре, физик күнегүләр, Калашников автоматын сүтү-җыю, пневматик винтовкадан ату, хәрби темага мәкальләр һәм әйтемнәр белүдә, хәрби званиеләрне белүдә ярыштылар, миналарны “зарарсызландырдылар”, гранаталар “аттылар”, разведкага йөрделәр, “яралыларга” ярдәм күрсәттеләр. Аҗаган”  балаларда иптәшлек, бер-береңә ярдәм итү, илебез тарихына хөрмәт кебек сыйфатлар тәрбияли. Уен максатларын командалар   барысы да бик яхшы башкардылар. Укучылар  үзләрен  көчле, батыр, җитез итеп кенә түгел, ә тату, бердәм команда булуларын да күрсәттеләр.Барлык төр ярыш нәтиҗәләреннән соң җиңүче дип  Ялкын командасы танылды. Икенче урынны Моряклар, өченчене  Десантчылар һәм Танкистлар командалары яулады.  Җиңүче команда район этабында  узачак ярышларында катнашачак. Хәрби-спорт уенында актив катнашкан отрядлар  Мактау  грамоталары белән бүләкләнде. Кыюлыкта, чыдамлыкта сыналырга ярдәм иткән хәрби уен   бик күңелле узды.

15 февральдә совет гаскәрләрен Афганистаннан чыгаруга 30 ел булды. Шушы көнгә багышлап "Әфган җиле, исмә!" дигән чара уздырылды.

Бүген Советлар Союзы Герое, Ленин премиясе лауреаты, татар халкының патриот шагыйре Муса Җәлилнең туган көне. Халкыбызны дөньяга таныткан каһарман шагыйрьне белмәгән кеше юктыр. Мәктәптә шагыйрьне искә алу кичәсе узды.