20-23нче апрель көннәрендә татар теле һәм әдәбиятыннан III Халыкара олимпиаданың йомгаклау этабы узачак. Беренче турда барлыгы 11606 укучы һәм студент катнашты,шуларның 500е йомгаклау турына чакырылды. Бу турга эләгүчеләр арасында безнең мәктәп укучылары да бар: Блинникова Юлия (укытучысы Заитова Р.Г.). Әлеге турда көч сынашучыларны бик зур бәйрәм көтә: Казан шәһәре буенча экскурсия, К.Тинчурин исемендәге Татар дәүләт драма һәм комедия театры спектакльләре, "Мин татарча сөйләшәм" акциясе, "Студенческая весна", Туган тел форумы һәм башкалар. Үз чиратында, катнашучылар татар теле һәм әдәбиятыннан олимпиада эшләре башкарачаклар, "Минем халкым, туган төбәгем һәм мин" дип аталган презентация белән чыгыш ясаячаклар. Укучыларыбызга зур уңышлар телибез!