3 декабрьдә, Казанның «Әкият» балалар үзәгендә «Сәйяр»балалар һәм яшүсмерләр театр төркемнәре фестивале җиңүчеләрен бүләкләү тантанасы булды. Чарада республиканың 35 районыннан балалар - фестивальнең зона этабында җиңүчеләр катнашты. Муниципаль этапта 1000нән артык коллектив чыгыш ясады, ә республика этабына 336 эш кабул ителде. Барлыгы татар телендә – 309, чуаш телендә – 14, мари телендә – 3, удмурт телендә-8, мордва телендә 2 чыгыш каралды. Конкурста республиканың мәктәпкәчә белем бирү оешмалары актив катнашты. Аларның 34е фестивальнең зона этабына үтәргә лаеклы дип табылды. Зона этаплары 22 октябрьдән 14 ноябрьгә кадәр Әлмәттә, Яр Чаллыда, Буада, Арчада, Казанда узды. Гран-прига  Вахитов районының  катнаш төрдәге 273 нче балалар бакчасы ия булды . Вахитов районы 116нчы  лицейның һәм Идел буе районы 16нчы гимназиянең  театр төркемнәре лауреат исеменә лаек булдылар . Афәрин!