Татарстанның Мәгариф һәм фән министрлыгы тарафыннан уздырылган  «Республика муниципаль белем бирү учреждениеләрендә туган телдә укытуның иң яхшы практикасы» һәм «Балаларга туган телдә белем һәм тәрбия бирүче иң яхшы балалар бакчасы» бәйгеләренең җиңүчеләре билгеле булды. Әлеге бәйгедә балаларны туган телдә укыту һәм тәрбияләү өлкәсендәге эш күрсәткечләре белән уртаклашып җиңү яулаучы Л.Г.Хөснетдинова җитәкчелегендәге 27 нче гимназияне һәм И.Х.Камалетдинова җитәкчелегендәге 273 нче балалар бакчасын котлыйбыз. Аларга милли мәгарифне үстерүгә, туган телдә белем һәм тәрбия бирүгә куйган хезмәтләре өчен олы рәхмәтебезне җиткерәбез.