21нче февраль Халыкара Туган тел көне буларак билгеле. Бу зур бәйрәм белән бәйле рәвештә лицейда музыкаль-әдәби кичә оештырылды. Көн дәвамында татарча сөйләшергә тырышкан укытучылар һәм укучылар концерт ахырында аягүрә басып татар халкының гимны булып саналган Г.Тукайның “Туган тел” җырын башкардылар. Актлар залы сәхнәсеннән моңлы татар, рус  җырлары, шигырь һәм проза әсәрләре яңгырады, татар биюен оста башкаручы белән скрипкада һәм флейтада уйнаучылар да тамашачыларны таң калдырды. Лицеебызда татар һәм рус милләте балалары гына түгел, туган телләре якут, чуваш, чечен булган егетләр дә белем ала. Кичәдә чыгыш ясаган һәр яшь артист үзенең туган телен саклавын, аны тирән хөрмәт итүен сәнгати яктан исбатлады. “Туган телем – иркә гөлем”, дигән халык. Россия Федерациясендә  күп төрле халыклар һәм милләтләрнең озак вакытлар үзара тату яшәп килүләрен дә ассызыклап үтте кичәне алып баручылар. Лицейда татар теле һәм әдәбияты атналыгы  әлеге гаҗәеп матур кичә белән төгәлләнде.

Актлар залы сәхнәсеннән моңлы татар, рус  җырлары, шигырь һәм проза әсәрләре яңгырады, татар биюен оста башкаручы белән скрипкада һәм флейтада уйнаучылар да тамашачыларны таң калдырды.