Бүген гимназиябез базасында "Тату сыйныф серләре" республикакүләм конкурсының район этабы уздырылды. Әлеге бәйгедә гимназиянең данын Гөлчәчәк Әсхатовна җитәкчелегендә 6А сыйныфы укучылары, әти- әниләре якладылар һәм 10 команда арасында I урынга лаек булдылар!!!
Алар "Тату сыйныф серләре" күргәзмәсе, “Безнең күңелле тату сыйныф” визит карточкасы, “Бөек сугыш – Бөек җиңү” дип аталган иҗади номер һәм "Бердәм тәрбия мөхите: ата-аналар, балалар һәм тәрбия буенча киңәшче” проект эше этапларында югары дәрәҗәдә әзерләнгән оригиналь чыгышлар тәкъдим иттеләр!
Хөрмәтле укучылар һәм әти- әниләр! Сезне чын күңелдән зур җиңүегез белән котлыйбыз! Шәһәр этабында уңышлар теләп калабыз!

Видеога сылтама: https://vk.com/club216931602?z=video-216931602_456239220%2F92561c5a4755eb643d%2Fpl_wall_-216931602

Холокост – нацистлар тарафыннан Европада яшәгән яһүдләрне күпләп юк итүне чагылдыган термин булып санала. Гимназиядә Холокост корбаннары көненә багышланган чаралар үткәрелде. Укучылар шул дәһшәтле еллар, корбаннар, әлеге лагерь тарихы белән якыннан таныштылар, фикер алыштылар.

Видеога сылтама: https://vk.com/galyamaldingilari?z=video-222311097_456239095%2Fde52466ccf1967f8b0%2Fpl_wall_-222311097 

Бүген Бөек Ватан сугышының иң фаҗигале көннәренең берсе- Ленинград блокадасын өзүгә 80 ел. Шул уңайдан гимназиябездә бердәм дәресләр үтте. Укучылар видеоөзекләр карадылар, үз фикерләре белән уртаклаштылар. Ватандашларыбызның батырлыгын оныту мөмкин түгел!

Гимназиябезнең 6А сыйныфы укучылары сыйныф җитәкчеләре Гөлчәчәк Әсхатовна җитәкчелегендә "Казан хәзинәләре" интеллектуаль- иҗади квестта I урынны яуладылар! Котлыйбыз!!!

Гимназия китапханәсендә "Һәркем белергә тиеш!" дип исемләнгән куркынычсызлык сәгате үткәрелде. Чара барышында укучылар гадәттән тыш хәлләрдә үз- үзеңне тоту кагыйдәләре һәм куркынычсызлык формуласы белән таныштылар.

25 нче гыйнвар студентлар көне буларак билгеләп үтелә. Бу көн- төрле уку йортларында белем алучыларның һәм студент еллары артта калучыларның да уртак бәйрәме. Ә балалар студентлар турында нинди фикердә? Укучылар белән төшерелгән әңгәмәне карап китик!

Видеога сылтама: https://vk.com/club216931602?z=video-216931602_456239217%2F8f06a95194dd030cb3%2Fpl_wall_-216931602

“Россия - минем горизонтларым” дәрестән тыш эшчәнлек курсында “Сәламәт Россия: илебезнең медицина һәм сәламәтлек саклау өлкәсе һөнәрләре” темасына сөйләшү уздырылды. Укучылар медицина, дару ясау өлкәсе белән бәйле һөнәрләр турында фикер алыштылар.

Гимназия укучылары Лиана Александровна һәм Эльмира Вагизовна җитәкчелегендә "Мир" кинотеатрында "Судьба человека" фильмын карап кайттылар.

Хөрмәтле әти- әниләр һәм укучылар! Гимназия коллективы исеменнән кар чистарту өмәсендә катнашканыгыз өчен зур рәхмәтләребезне белдерәбез!!! Сезгә ныклы сәламәтлек, эшегездә уңышлар һәм гаиләгездә иминлек теләп калабыз!

Бүген гимназиядә «Гәүһәр» проектының йомгаклау тантанасына номерлар сайлап алу чарасы булып узды. Жюри әгъзалары «Апуш» татар балалар театр студиясе җитәкчесе Алия Фәйзрахманова җитәкчелегендә барлык номерларны карап, аларга бәя бирделәр. Әлеге проектның төп максаты- татар биюе, сөйләм осталыгы, вокал һәм халык музыка уен коралларында уйнау дәресләре аша татар телен популярлаштыру.