26 март  Язгы лагерь.  «Сугыш  чоры  балалары» дигән темага түгәрәк өстәл узды. Сугыш чорында  балалар тормышы турында истәлекләр укылды.

25 март -  Лагерь  «Кояшлы ил».
   Гимназиядә “Сугыш – геройлары безнең янәшәдә” дигән темага Бөек Ватан сугышы һәм Тыл батырлары белән очрашу узды.
Лагерьда йөрүче балалар ветераннар белән аралаштылар. Бергәләп бәйрәм концерты карадылар.

Язгы лагерьның икенче көне бик кызыклы үтте. Беренче, "Мин инглизчә сөйләшәм!" дигән музыкаль чара булды. Балалар инглиз телендә шигырьләр сөйләделәр, җырлар җырладылар.
 Аннан соң, "Болакта театр"да Эйнштейн һәм Менделеев персонажлары янында кунакта булдык. Алар балаларга "химия һәм физика дәресләре" үткәрделәр.
Төрле кызыклы тәҗрибәләр үткәреп күрсәттеләр. Интерактив шоу балаларга бик ошады.      

  Бүген, 23 нче март , гимназиябездә “Кояшлы ил”дип аталган  язгы лагерь эшли башлады. “Без – Бөек Җиңүнең  оныклары” дигән темага әдәби-музыкаль кичә оештырылды. Лагерьның тантаналы ачылышы, Бөек Ватан сугышында катнашучыларны бер минут тынлык белән искә алудан башланды. Кичәдә балалар актив катнаштылар. Кичә, презентация  карау белән тәмамланды.

  Көннең икенче яртысында  “Юлда йөргәндә сак бул!”  дигән темага ЮХИДИ хезмәткәре белән очрашу узды. Очрашу уен- викторина  формасында үтте. Хезмәткәр балаларга истәлекле бүләкләр таратты.

10 марта 2015 года учащиеся 4А класса гимназии (кл.руководитель Хуснутдинова Р.Ф.) приняли участие в районном этапе городского конкурса театральных постановок среди учащихся "Сайяр"

18 марта 2015 года учащиеся гимназии Галеев Нияз, Давлетшина Камилла, Сабирова Самира приняли участие в районном конкурсе  юных поэтов и чтецов "В сердцах, в умах, на языках вечный Тукай"

По результатам конкурса Давлетшина Камила заняла 1 место, а Сабирова Самира - 2 место (руководитель - Хуснутдинова Р.Ф.)! МОЛОДЦЫ! ПОЗДРАВЛЯЕМ!

17 марта 2015 года ученик 1 класса Юнусов Тагир, ученица 7 класса Махмутова Аделя и учащиеся 4А класса приняли участие в отборочном туре городского  фестиваля "Казан - йорт- 2015"

Рәсәй күләм әдәбият елы булу, безнең гимназия укытучыларын  һәм беренче сыйныфтан башлап унберенче сыйныфка кадәр булган барлык укучыларны да тирән рухландырды.

18нче татар гимназиясе укытучылары үзләре Кәрим Тинчуринның “Зәңгәр шәл” спектакленнән өзек куйдылар. Бу спектакльдән куелган өзекне караучылар һәм жюри әгъзалары бик ошаттылар. Идел буе районы буенча төрле мәктәпләр куйган чыгышлар арасында 18нче гимназия укытучылары куйган өзеккә I-че урын бирелде. Татар әдәбияты гимназиядә беренче сыйныфтан ук башлап яхшы өйрәнелә. Танылган язучыларыбыз һәм шагыйрьләребез иҗаты ныклап үзләштерелә. Шуңа күрә дә, һәр сыйныф үз чыгышларында моны ачарга тырышты. Алар  бик оста итеп, чын артистларча рольләргә кереп, башкардылар.

Чыгышларда әкиятләрдән өзекләр дә, сугыш темасы да, спектакльләрдән өзекләр дә һәм башка темалар да бик матур итеп яктыртылды.

Мәсәлән, 1нче сыйныфлар “Гөмбә асты” һәм “Шалкан”, 2нче сыйныфлар - “Класс тактасы каршында” һәм “Мәктәп тормышыннан”, 3нче сыйныфлар - “Исем кушу” һәм Туфан Миңнуллинның “Ок, Акбай”, 4нче сыйныфлар - Габдулла Тукай әкиятләренә ассорти – композиция, “Өч кыз”, “Үги кыз” әкиятләрен сәхнәдә уйнадылар. Әле башлангыч сыйныфларда гына  булсалар да үзләрен сәхнәдә чын артистларча тотып уйнаулары – бар кешене дә сокландырды.

Башлангыч сыйныфлардан соң, урта сыйныфлар үзләренең үзләштергән әсәрләрен сәхнәләштерделәр.

Мәсәлән, 5нче сыйныфлар - "Нечкәбил", “Ике кыз”ны;

6нчы сыйныфлар – “Беренче театр”, “Җиде кәрлә”не;

7нче сыйныфлар – “Нигез ташлары”, “Гайфи бабай, өйлән давай” спектакленнән өзекләр;

8нче сыйныфлар – “Банкрот” һәм “Беренче театр”дан өзекләр;

9нчы сыйныфлар – “Гөргери кияүләре” һәм “Бәхетле кияү”дән өзекләр куйдылар.

Урта сыйныф укучыларының да чыгышлары бик оста һәм күңелле башкарылды. Әсәрләрдән өзекләрне караучылар үзләрен шунда катнашучы геройлар итеп, хис иттеләр.

Үзләреннән түбәндә укыган сыйныфларның шундый оста чыгышларын күреп, 10нчы һәм 11нче класс егетләре һәм кызлары да бик тырышып чыгыш ясадылар.

10нчы класслар – “Американ” спектакленнән өзек,

11нче класслар – “Мәхәббәттә аңлашу” дигән күренеш куйдылар.

Гомумән әйткәндә, барлык сыйныф укучыларының да чыгышлары бик оста, матур булды. Һәр сыйныф сәхнәне дә үзенә туры килерлек итеп бизәде.

Мәктәп комиссиясе барлык сыйныфларның да оста, яхшы чыгыш ясауларын бәяләп, һәр класс артистлары коллективына тортлар бүләк итте.

Бу сыйныфлар арасында тагы да аерылып торучылары булды. Алар: 1нче “А”, 4нче “А”, 6нчы “А”, 7нче “Б”, 10нчы сыйныфлар иде. Гимназия коллективы барлык сыйныфларга һәм укучыларга алга таба да, шулай, күтәренке рухта тырышып укып, сыйныфтан тыш эшләрдә дә яхшы нәтиҗәләргә ирешүләрен теләп кала.

16 марта 2015 года ученица 7класса Махмутова Аделя приняла участие в районном этапе Всероссийского конкурса юных чтецов "Живая классика"