9 нчы ноябрь  көнне гимназиябезнең “Әйдәп баручы” һәм “Дуслашу” оешмаларың активистлары 5А сыйныфы укучысы Вәлиәхмәтова Динә һәм 8Б сыйныфы укучысы Дерякова Олеся район күләмендә узган балалар иҗтимагый оешмасы семинарында катнаштылар. Биредә алар Идел буе районының балалар оешмасы җитәкчесе Гатина Н.Г. ның чыгышын тыңлап, яңа уку елына план һәм “Дуслык” оешмасының эшләү моделе белән танышып кайттылар.

9 нчы ноябрь  көнне гимназиябездә “Укытучының иҗади эшчәнлеген үстерү” темасына педсовет узды. Биредә укыту эшләре буенча директор урынбасары Назмиева Венера Хатиповна беренче чиреккә нәтиҗә ясап, укучыларның өлгереш сыйфаты белән таныштырып узды,”Гаилә һәм мәктәп: куркынычсызлык территориясе” шәһәр күләмендә узган ата- аналар җыелышында алган мөһим мәгьлүмат белән уртаклашты. Башлангыч сыйныф укытучысы Хәмзинә Рәмзия Рәлифовна үзенең эшчәнлегендә иҗади алымнарны куллану ысуллары турында чыгыш ясады. 1, 5, 10  классларының сыйныф  җитәкчеләре укучыларның адаптация чорының узу нәтиҗәләре белән таныштырдылар.

8 нче ноябрь көнне 5Б сыйныфы укучылары С. Сайдашев исемендәге концерт залында узган “Балалар - балаларга”  шәһәр белем бирү проектында катнаштылар. Балалар концерт программасы карап, күтәренке кәеф белән кайттылар.

4 нче ноябрь көнне, каникуллар вакытында, безнең күңелле, тату 6А сыйныфыбыз Яшь тамашачылар театрына барып, искиткеч матур "Дикий" спектаклен карап кайттылар. Спектакль укучыларга бик ошаган, укучыларыбыз истәлеккә сүрәтләргә дә төшкәннәр.  Алар мондый чыгуларның күбрәк булуын телиләр.

                29 нчы октябрь көнне гимназиябезнең 3А сыйныфында укучы Юнысов Таһир һәм Салаватуллин Илназ “Алтын әтәч” региональ балалар иҗаты бәйгесендә катнашып, “нәфис сүз” номинациясендә искиткеч чыгыш ясап, 2 нче һәм 3 нче урыннарга лаек булдылар. Укучыларга һәм аларны әзерләгән Насибуллина Гөлфия Растамовнага зур рәхмәтебезне белдерәбез. Киләчәктә дә иҗади уңышлар теләп калабыз.

27 нче октябрь көнне 7А сыйныфы укучылары ТР Халыклар Дуслыгы йортында Дуслык һәм татулык дәресендә катнаштылар. Биредә алар бер- береңә карата түземлелек, сабырлык тәрбияләү нигезләренә төшенделәр. Төрле уеннарда катнашып, матур концерт программасы карап, ял итеп кайттылар.

25 нче октябрь көнне 9 нчы сыйныф укучылары математика фәненнән сынап карау имтиханын яздылар.

Сегодня в гимназии был проведен "Литературный дворик" по творчеству С.А.Есенина. В мероприятии активное участие приняли учащиеся 11 класса. На протяжении всего мероприятия ребята рассказывали о жизненном и творческом пути С.А. Есенина, также прозвучали такие стихотворения, как «Вот уж вечер. Роса», О Мать моя, Россия, Русь», «Какие печальные вести», «Мир таинственный», «Ты меня не любишь», «Заметался пожар».

17 нче октябрь көнне гимназияда  “ФДБСын гамәлгә кертү шартларында татар теле һәм әдәбият укытуның актуаль проблемалары” дип аталган Республика семинары булып узды. Биредә Татарстанның төрле почмакларыннан килгән кунакларга татар теле һәм татар әдәбиятыннан ачык дәресләр, дәрестән тыш чаралар һәм концерт программасы  күрсәтелде.

1-15 октябрь көннәрендә гимназияда әйләнә - тирәне чистарту атналыклары уза. Укучыларыбыз һәм укытучыларыбыз гимназия территориясен чүп-чардан арындырып, тирә- ягыбызны ямьләндерүгә зур өлеш кертәләр.