Бүген «Гәүһәр» балалар фестивалендә «Хәрәкәттә - бәрәкәт» һәм «Сөйлә» проектларына йомгак ясадылар. Хисап концерты “Чулпан” мәдәни үзәгендә узды. Анда мәктәп һәм балалар бакчасы укучылары татар биюе һәм сөйләм сәнгате дәресләрендә алган осталыкларын күрсәттеләр. Бу фестивальдә безнең гимназия укучылары да чыгыш ясадылар. 

"Без укучыларыбыз белән бик горурланабыз, киләчәктә дә аларны зур сәхнәләрдә күрергә язсын" дип, үз теләкләрен җиткерде гимназиябез директоры, Гөлшат Әбүзаровна

Сәнгать атналыгын йомгаклап, һәр 1 нче сыйныф үз классында *Кышкы уеннар* дип исемләнгән рәсем күргәзмәсе оештырды. Кыш көне таудан чана, чаңгы шуу, кар бабай әвәләү, тимераякта ярышу һәр баланың иң яраткан шөгыле.

1б сыйныфы укучылары технология дәресендә мастер класс уздырды. Төрле ысуллар кулланып, бик кызыклы, оригиналь һәм шул ук вакытта иң кирәкле булган китап кыстыргычы ясадылар.
"Ул иң җиңел һәм мавыктыргыч эш, кыстыргычны бала үзе яки өлкәннәр ярдәме белән дә эшли ала. Ә үзебезнең осталык булганда ни өчен сатып алырга соң?!" - ди сыйныф җитәкчеләре, Лилия Гансовна.

3 нче февраль көнне гимназиябездә "Казан сандугачы - 2023" җыр бәйгесенең шәһәр этабы булып узды. 130 дан артык катнашучы төрле номинациядә үзләрен сынадылар.Бу бәйгедә катнашкан барлык укучыларга да алга таба уңышлар теләп калабыз! 

Буген гимназиябездә 6 нчы сыйныфлар арасында сынлы сәнгать буенча КВН - ВИКТОРИНА уткәрелде. Бу чарада укучылар рәссам осталыкларын да сынадылар, шулай ук төрле сорауларга да җавап эзләделәр.
Нәтиҗәдә, 6А сыйныфы - 32 балл, 6В сыйныфы укучылары 33 балл җыйдылар.
Чараны оештырган укытучыбыз, Равилә Хәйдәровнага зур рәхмәт!

Спортка килгәндә, бүген 10-11нче сыйныф укучылары арасында "Волейбол лигасы" ярышы булып узды. Ярыш бик кызыклы формада үтте. Уен ике этаптан торды. Беренче этапта, укучылар спортка кагылышлы тест биремнәрен үтәделәр, икенче этап иң мөһим этап, ул да булса волейболны барлык кагыйдәләргә дә таянып уйнау иде.
Барлык төркемнәр дә бик нык тырыштылар. Уен булгач, аның җиңүчесе дә һәм җиңелүчесе дә була.
Нәтиҗәдә, 11 нче сыйныф укучылары иң күп очко җыеп, җиңүче дип табылды.
Афәрин, укучылар! Алга таба да көчле һәм җитез булыгыз!
Ә без ,үз чиратыбызда, ярышны оештырган өчен, укытучыларыбыз, Лилия Камилевнага һәм Айзат Рифатовичка зур рәхмәтебезне белдерәбез! 

Сәнгать атналыгы кысаларында, җыр дәресе укытучысы, Фәридә Гайнетдиновна да үзенең дәресләрендә, атна дәвамында, һәрбер сыйныф белән "Көйне уйлап тап"(Угадай мелодию) дип исемләнгән җырлы викториналар уздыра. Укучыларга да мондый төрдәге уенлы дәресләр бик ошый. Бигрәк тә башлангыч сыйныф укучылары аның дәресләренә бик теләп йөриләр.

Сәнгать атналыгы кысаларында укучылар белән мәгълүмати стендлар әзерләнде.

Бүген 9-11 сыйныфлар арасында "Иң акыллы сыйныф" дип исемләнгән брейн - ринг уздырылды. Уен җылы һәм дустанә атмосферада үтте, укучылар бик актив катнаштылар. Әлеге чарада 9А сыйныф укучылары җиңү яулады. Уенны үткәргән өчен Гөлназ Мәҗитовнага зур рәхмәтләребезне белдерәбез!!!

1А сыйныф укучылары "Минем яраткан сыйныфым" темасы буенча проект эшләре башкардылар. Һәр укучы үз сыйныфын, дусларын яратуы турында сөйләде.