Туган телебездә җиңел аралашкач,укытучыларыбызның кызыклы дәресләрендә актив катнаша алгач, татар теле бик җиңел фән шикелле тоела иде. Ә менә олимпиадага әзерләнә башлагач, үзебез өчен бик күп серләр ачтык, ана телебезнең бөеклегенә, байлыгына сокландык. “Тырышкан табар, ташка кадак кагар”, дигәндәй, районда җиңү яулап, республика турында катнашу бәхетенә ирештек. Бәйге зур оешканлык белән узды. Анда безгә төрле районнардан килгән иң көчле, сәләтле яшьтәшләребез белән көч сынашырга туры килде. Әлбәттә, укытучыларыбыз Гөлүсә Дамировна Әһлиуллина һәм Резедә Дамировна Сафиуллиналарның безгә төпле белем биреп, көндәшлеккә сәләтле шәхес итеп тәрбияләүләре куйган максатыбызга ирешергә насыйп итте. Безнең уңышыбызга барлык мәктәп коллективы сөенгән икән. Әнә ничек каршы алдылар бит алар безне. Җитәкчеләребез белән бергә иртән мәктәпкә килеп керүебез булды, шаккаттык: барысы да кулларына чәчәкләр, шарлар тотып, “тере коридор” ясап тезелгәннәр. Күңелле музыка астында, “Котлыйбыз!” дип елмаеп торучылар алдыннан узганда, күңелләрдә горурлык хисе янды. Туган телебезне ихтирам итәргә, сакларга һәм үстерергә кирәклегенә кабат инандык. Киләсе елларда да сынатмабыз дип ышанып калабыз.

Шарапова Ләйсән, Гафурова Алия,

Фома урта мәктәбе.

Безнең мәктәп тә бу ярыштан читтә калмады.  Гараев Фәиз, Аглиуллин Аяз  кебек укучыларыбызның бу ярышта бик теләп  катнашуы Табигать-анабыз да, кояшлы матур көн бүләк итеп, спорт сөючеләрне сөендерде.

15 нче февраль көнне мәктәбебез  берьюлы өч истәлекле датаны билгеләп үтте. Герой – шагыйрь Муса Җәлилнең 110 еллыгына, якташыбыз шагыйрь –рәссам Гакыйл Сәгыйровның  һәм татар халкының бөек җырчысы Илһам Шакировның туган көннәренә багышланган әлеге чарада укучылар “Ә син илең, халкың өчен нәрсә эшләдең?” дигән сорауга җавап эзләделәр. 

Бүген 6 нчы сыйныфта  "Әфганстан – йөрәк ярасы" исемле ачык тәрбия сәгате үтте. Чараны тарих укытучысы, 6 сыйныф  җитәкчесе Фәхриева Гөлфия Якуп кызы әзерләде.    Сыйныф сәгате ерак Әфганстан җирендә гомере өзелгән,  мәңге яшь булып калган солдатлар һәм ул дәһшәтле көннәрнең шаһиты булып яшәүче исәннәргә багышланды

  Күптән көтеп алган  “Студентлар белән очрашу” кичәсе булып үтте. Мәктәбебезне сагынган, укытучыларны хөрмәт иткән укучылар килгән иде.  Очрашуга килгән студентлар өлкән сыйныф укучыларын  үзләренең уку йортлары белән , керү , яшәү шартлары белән  таныштырдылар, укучыларны кызыксындырган сорауларга җавап бирделәр. Кичәнең икенче өлеше  кызыклы уеннар белән дәвам итте.

30 нчы гыйнвар көнне Кизләү урта мәктәбендә Татарстанның атказанган укытучысы, Н.К.Крупская исмендәге премия лауреаты Ф. С. Хаметовның    якты истәлегенә багышланган хоккей ярышлары үтте. Егетләребез : Мингалимов Илнар, Замалеев Алмаз, Зиннуров Рәзил, Шагиахметов Илназ, Садртдинов Айдар, Закиров Разил, Мингалимов Нәфис, Гилязов Әлфис физкультура укытучысы Замалеев Айрат Каимович җитәкчелегендә 1 нче урынны яулап кайттылар.  

      Аглиуллин Аяз , занявший 1 место, исполнил рассказ «Как я был самостоятельным» Ю.Сотника , а Яна Мокина прочитала «Бабка» В.Осеевой. Победители смогли донести до зрителей и жюри ясные и яркие образы. Наверное, поэтому конкурс и называется «ЖИВОЙ классикой».  Одна из учениц будет представлять школу на муниципальном этапе конкурса

28 нче гыйнвар көнне Нурлат шәһәренең  9 нчы мәктәбендә укучыларыбыз Хайбуллина Алсу, Шакурова Алсу, Әһлиуллин Аяз, Гайсина Гөлшат  “Мин—Россия гражданины” дип исемләнгән социаль проектлар бәйгесендә  чыгыш ясап кайттылар.